10 филмови што треба да ги изгледате пред Оскари 2026

Рекордерот Sinners кој освои дури 16 номинации, но и новиот филм на Леонардо ди Каприо кој го нарекуваат еден од најдобрите од 2025-та. Конкуренцијата во главната категорија на годинашните Оскари е навистина голема.

За годинашното издание на Оскарите, номинација добија дури 50 филмови во 23 различни категории.

Иако освојувањето на златната статуетка во која било категорија е огромен успех, само осум од нив се сметаат за „главни“, како најдобар актер во главна улога или, пак, најдобро сценарио.

Секако, можеби најважна е категоријата „најдобар филм“, на која ќе се фокусираме и ние.

Како и лани, годинава десет филмови ќе се борат во главната категорија, а конкуренцијата е навистина голема, па вреди да им дадете шанса.

Кои се десетте филмови номинирани во главната категорија?

Bugonia

Во режија на Јоргос Лантимос, Bugonia е спој на мрачна комедија и научна фантастика.

Двајца мажи кои се опседнати со теории на заговор киднапираат директорка на голема компанија.

Причината е тоа што се убедени дека е вонземјанин кој сака да ја уништи Земјата.

Frankenstein

Адаптацијата на „Франкенштајн“ на Мери Шели мошне добро ја доловува меланхолијата на книгата.

Главниот лик е Виктор Франкенштајн, генијален, но ексцентричен научник кој успева да создаде живо суштество од делови од мртви човечки тела.

Но, неговата најголема креација се заканува да стане и негова пропаст.

F1

Главниот лик е Сони Хајес кој во 1990-тите бил на пат да стане меѓу најдобрите возачи на Формула 1.

30 години откако доживеал несреќа, сопственикот на Формула 1 тим успева да го убеди да се врати на тркачките патеки.

Филмот има одлична актерска екипа која ги вклучува Бред Пит и Хавиер Бардем.

Hamnet

Hamnet е историска фикција, делумно инспирирана од животот на познатиот Вилијам Шекспир.

Во 16-тиот век, Вилијам и неговата сопруга Агнес добиваат син, Хамнет, кој умира многу млад.

Оваа трагедија го инспирира да напише една од неговите најпознати драми – „Хамлет“.

Marty Supreme

Спортска драма која му донесе на Тимоти Шаламе уште една номинација за Оскар.

Со дејство сместено во 1950-тите, филмот е делумно инспирирано од животот на пинг-понг играчот Марти Рејзман.

Главниот лик е Марти, продавач во продавница за чевли кој паралелно игра пинг-понг и сонува да стигне далеку со својата страст.

Продолжува на следната страница...