10 филмски премиери што со нетрпение ги чекаме ова лето

Најзабавниот филм дефинитивно ќе биде Coyote vs. ACME, сигурно ќе уживате во шестото продолжение на Scary Movie, а овде е и мистериозниот филм на Стивен Спилберг за кој не знаеме скоро ништо.

Ова лето дефинитивно ќе го поминеме во духот на носталгијата.

Покрај новите инсталации за веќе култни серијали, како Scary Movie, ќе имаме можност да изгледаме и неколку римејкови и адаптации на добро познати приказни.

Генерално, најочекуваните премиери сигурно ќе ве вратат во младоста или детството и веруваме дека не би сакале да ги пропуштите.

10 филмски премиери што со нетрпение ги чекаме ова лето:

Masters of the Universe

• 5-ти јуни

Masters of the Universe е филм за популарниот суперхерој Хи-Мен, а ова е прв игран филм за херојот од далечната 1987 година.

Главниот лик е секако Хи-Мен, односно принцот Адам Глен кој по 15 години се враќа во неговиот дом и открива дека е уништен од злобниот волшебник Скелетор.

За да се одмазди и да го спаси светот, тој мора да го прифати неговиот вистински идентитет – најсилниот човек во универзумот.

Scary Movie 6

• 5-ти јуни

По повеќе од една деценија, конечно ќе имаме ново продолжение од легендарниот серијал Scary Movie, и тоа со оригиналната актерска екипа.

Дејството на филмот е продолжение на првите два филма од франшизата. Овој пат главните ликови повторно треба да се соочат со маскираниот убиец кој ги тероризираше пред 26 години.

Нормално, филмот ќе биде и пародија на некои од најпознатите хорор-филмови од изминативе неколку години.

Disclosure Day

• 12-ти јуни

Стивен Спилберг му се враќа на жанрот што му „лежи“ можеби најмногу – научна фантастика.

Малку се знае за дејството на филмот, освен дека се фокусира на вонземјани и група експерти кои веројатно се подготвуваат да му соопштат на светот дека постојат.

Филмот има одлична актерска екипа која ги вклучува Емили Блант, Џош О’Конор, Колман Доминго, Колин Фирт…

The Death of Robin Hood

• 19-ти јуни

Во новата адаптација за познатиот одметник, главната улога му припаѓа на Хју Џекмен.

Робин Худ е веќе стар и се здобива со сериозна повреда во битка, додека пробува да се справи со своето насилно минато.

За него почнува да се грижи млада девојка која му дава можност за спасение.

Toy Story 5

• 19-ти јуни

Франшизата Toy Story засекогаш ја промени 3Д анимацијата, а летово ќе можеме да уживаме и во петтото продолжение.

Во новиот филм, Баз, Вуди и другите играчки се соочуваат со нов проблем – нова играчка, односно таблет кој на децата им е многу поинтересен од нив.

Продолжува на следната страница...