Што ќе гледате во третата сезона на Game of Thrones

На големо воодушевување на фановите, започна третата сезона на популарната серија “Game of Thrones”, а ние се потрудивме однапред  да ви навестиме што ќе се случува и како ќе се одвиваат сплетканите игри на завојуваните семејства.

Почетокот на секоја нова сезона од “Game of Thrones” е големо телевизиско случување. Тоа е така бидејќи со години не сме виделе квалитетна серија како ова, одозгора зачинета со драма и мајсторски интриги.

За среќа “Game of Thrones” е серија чија популарност расте со секоја нова сезона. Тоа не е ни чудно ако се земе во предвид дека светот на Westeros и Essos е навистина богат, а нивните жители се едни од најинтересните кои сме ги сретнале на екраните.

По поразот на семејството Starks во првата сезона и големата континентална војна во втората, третата сезона ни носи продолжение на оваа епска приказна, а и некои неочекувани пресврти.

Неизбежните политички сплеткарења и надитрувања, животот зад Ѕидот и немирните племиња продолжуваат и во оваа сезона, а да не ги заборавиме и змејовите на русокосата Calisi кои конечно ќе ја покажат својата моќ.

Една од најдобрите работи во оваа фантазија се незаменливите ликови: од симпатичното и мудро џуџе Tyrion (Peter Dinklage), до заводливата и желна за одмазда Daenerys Targaryen (Emilia Clarke).

Како и во предходните две, така и оваа сезона во серијата ќе се појават уште куп нови ликови, па ако имате слободно време добро би било да си повторите кој беше кој.

Еmbrace yourself!!!