Морничави филмови и серии со психопати кои потајно ги обожаваме

Да се направи филм или серија со анти-херој кој ќе биде допадлив е навистина голем предизвик. 

Но, очигледно на некои филмаџии тоа им оди од рака. На тој начин се создаваат култни ликови, кои и покрај своите недостатоци – несомнено ги обожаваме.

Ви предлагаме неколку нови, неколку целосно завршени серии и исто толку филмови со напомена дека ќе ви биде премногу тешко да ги мразите главните злосторници:

YOU

Работена според бестселер новелата на Керолин Кепнес, YOU ја следи приказната на Џо Голдберг, харизматичен и по малку мистериозен млад човек кој работи во книжарница.

Токму таму Џо ќе ја запознае Гвиневер Бек, прекрасна млада девојка со која целосно се опседнува. Колку е лесно да се приближиш некому во време на социјални мрежи и нула приватност?

https://www.youtube.com/watch?v=cKOhno0IMpA

Gone Girl

Ејми и Ник Дан имаат совршен почеток на нивната врска. Она што претставува љубовна идила наскоро се претвора во кошмар. Ејми исчезнува, а Ник е главниот осомничен за нејзиното мистериозно отсуство.

House of Cards

Веројатно не постои поголем анти-херој од Френк Андервуд. И покрај фактот што во последната (шеста) сезона нема да го гледаме Кевин Костнер во главната улога, задолжително изгледајте ги петте сезони, со посебен акцент на првата и погледнете како човекот со незапирлива волја ќе се искачи на самиот врв на САД.

https://www.youtube.com/watch?v=ULwUzF1q5w4

The Dark Knight

Вториот дел од сагата за Бетмен на Кристофер Нолан не би бил она што е без Џокерот. Маестралниот Хит Леџер го портретира најголемиот непријател на Бетмен и дефинитивно го украде филмот од Кристијан Бејл.

The Fall

Пол Спектор е неверојатно посветен и грижлив сопруг и татко, но тој всушност крие и друга, опасна и мрачна страна. Тој е ладнокрвен сериски убиец, а единствената која ќе му застане на патот е детективката Стела Гибсон, која има поеднакво сложен карактер.

Продолжува на следната страна...