Толку лоши што се одлични за гледање - листа на божиќни филмови од кои добро ќе се изнасмеете

Има добри, има лоши филмови и има – божиќни филмови. А според некое непишано правило, ретко кога ваквите филмови обоени со новогодишно-божиќна тематика се добри.

Најчесто приказна е млака, ликовите исклучително површни, глумата просечна кон лоша, а дијалозите вистинско клише.

Но, доколку сакате да го ставите „мозокот на пасење“, да ги растерате грижите и добро да се изнасмеете на целата таа баналност, време е за следните 10 филмови, за кои дефинитивно ќе го употребите хаштагот #crappychristmasmovies:

Deck the Halls (2006)

Двајца соседи започнуваат вистинска војна поради една единствена причина – чија куќа ќе биде подобро украсена за Божиќ.

Christmas with the Kranks (2004)

Лутер и Нора Кренк се конечно сами без своите деца и наместо да се занимаваат со целата празнична традиција решаваат да одат на крстарење на Карибите. Но, нивните соседи кои се прилично опседнати со Божиќ имаат поинакви планови за нив…

A Christmas Prince: The royal wedding (2018)

Верувале или не, ова е вториот дел од љубовната приказна на Амбер, млада девојка која е новинарка и блогер и е свршена за принцот на Алдовија. Во овој дел тие се соочуваат со многу прашања за нивната иднина. За целосно уживање, погледнете ги двата дела.

Christmas Inheritance (2017)

Елен е амбициозна и богата наследничка која треба да го преземе бизнисот на татко си, но претходно мора да достави специјална божиќна честитка до неговиот поранешен бизнис партнер.

Jingle All the Way (1996)

Грижлив татко му ветува на своето синче дека ќе му ја купи посакуваната Турбо Мен играчка за Божиќ. Но, играчката е продадена во сите продавници, па тој ја започнува својата потрага низ градот.

Продолжува на следната страна...