Бевме на снимање на Преспав, сезона 4 - први фотки и видеа

Сите со нетрпение ја очекуваме новата сезона од хит серијата Преспав, а денес екипата го одбележа почетокот на снимањето, на кое имавме можност да присуствуваме.

Официјално започна снимањето на четвртата сезона на Преспав, во која ќе се одбележи јубилејната 100-та епизода од ТВ серијата, која стана хит за многу кратко време.

Четвртата сезона на Преспав ќе се емитува од декември 2019-та, а дотогаш на фановите ќе им овозможуваме преку фотки и видеа да ѕирнат како изгледа снимањето.

Денес присуствувавме на снимањето на првата клапа од четвртата сезона на Преспав и имавме можност да проследиме кратка сцена на рецепција во која Коста ѝ се „пушта“ на Јелена, а Талат како и секогаш, се вмешува во разговорот и успева да ги насмее сите. 

Видеото од сцената и останатите инсерти од снимањето погледнете ги на нашиот Instagram профил во Story Highlights - Преспав.

Актерите се возбудени за снимањето на четвртата сезона од Преспав, која се очекува да биде најдобра досега.

Дел од нив дадоа кратка најава пред да влезат на сет, ексклузивно за CRNOBELO.com, а легендарниот Миле Бузалески ни го откри и новиот сопственик на пансион Преспав.

М. М. | Црнобело