Спонзорирано од:
Спонзорирано од ОгласиЗаРабота.мк


5 филмови за Мерилин Монро што треба да ги изгледате

My Week with Marilyn е еден од највисоко оценетите биографски филмови за холивудската ѕвезда – кои други филмови за Мерилин Монро вреди да ги изгледате?

5-filmovi-za-merilin-monro-shto-treba-da-gi-poglednete-01.jpg

Мерилин Монро и 60 години по нејзината смрт, останува икона во поп-културата поради нејзината кратка, но влијателна холивудска кариера.

Актерката има над 20 филмски остварувања, а многу од филмови за неа и денес може да се гледаат на различни дигитални платформи.

Во продолжение пет филмови за животот на актерката на кои вреди да им дадете шанса:

Love, Marilyn

Две кутии со писма на Мерилин Монро, вклучувајќи дневници и песни, беа откриени педесет години по нејзината смрт во домот на нејзиниот актерски тренер Ли Стразберг.

Долгите писма и рачно напишаните белешки ја откриваат нејзината повеќедимензионална личност.

Комбинирајќи архивски снимки, како и голем број интервјуа со значајни актери како Глен Клоуз и Вајола Дејвис, документарецот открива многу за незаборавната русокоса.

Marilyn Monroe: Auction of a Lifetime

Документарецот ја прикажува аукцијата на личниот имот на Мерилин одржана по нејзината смрт.

Фановите на Монро можат да видат некои од нејзините најпопуларни фустани, вклучувајќи го и оној што го носеше на роденденот на претседателот Џон Кенеди.

Norma Jean & Marilyn

Овој филм го следи животот на Мерилин од нејзините рани денови кога беше позната како Норма Џин, до нејзиниот успех во Холивуд. Телевизискиот биографски филм им дава на фановите поглед во нејзиниот ум и личните борби.

Во неконвенционален обид да се прикажат строго контрастните аспекти од животот на Монро, актерките Ешли Џад и Мира Сорвино ја играат Норма Џин и нејзиното алтер его - Монро.

Двете актерки добија номинации за Златен глобус и Еми за нивните улоги.

Marilyn Monroe Declassified

Вклучувајќи снимки од вести, клучни архивски интервјуа и историски сведоштва, документарниот филм се обидува да им донесе на фановите дел од скриената историја.

Од особен интерес се декласифицираните документи на ЦИА и ФБИ поврзани со нејзината прерана смрт, кои со децении беа во фокусот на многу дебати, како и теории на заговор. 

My Week with Marilyn

Иако не е документарен филм, ова е највисоко оценетиот биографски филм за холивудската ѕвезда.

На снимањето во Лондон, Мерилин е придружувана од Кларк откако нејзиниот сопруг и Артур Милер се вратија во САД.

За нејзината беспрекорна изведба, Мишел Вилијамс доби номинација за најдобра актерка на Оскарите.

M. Г. | Црнобело

Би можело да ве интересира:

18 години подоцна: Колку се променија актерите од ТВ серијата House? Првата епизода од легендарната серија беше емитувана во ноември 2004-та, а со ог...
10 нови филмови на Нетфликс кои ги освоија симпатиите на публиката Нашата омилена филмска платформа Нетфликс нè изненади со одлични филмски оствару...
10 нови романтични филмови на Нетфликс кои ќе ви го стопат срцето Можеби се топиме како сладолед на жежок асфалт поради високите летни температури...

Најчитани неделава

sonovnik-sidebar.jpg