Австрија победи на Евровизија 2025, две земји со по 0 поени од публиката (видео)

Вечерва во Базел, Швајцарија се одржа 69-тото издание на Евровизија, а победник со песната Wasted Love е Џеј Џеј, претставникот на Австрија.

Во големото финале настапија 26 земји, по десет од двете полуфиналиња, домаќинот Швајцарија и земјите од големата петорка - Шпанија, Италија, Германија, Велика Британија и Франција.

Најмногу гласови од жирито освои Австрија, 258, додека според публиката најмногу поени имаше Израел - 297.

Интересно е што првпат откако се воведени полуфиналните вечери, ниедна земја од поранешна Југославија не настапи во финалето.

Исто така е интересно што две земји освоија 0 поени од публиката и тоа Велика Британија и Швајцарија, иако домаќинот беше во топ 3 по гласањето на жирито.

Годинава во полуфиналињата настапија 4 екс ЈУ држави и тоа Словенија, Србија, Хрватска и Црна Гора, но ниедна не помина понатаму.

Македонија трета година по ред не учествуваше, а наш последен претставник беше Андреа Коевска во Торино, 2022.

Погледнете го настапот на победникот:

А. Ј. | Црнобело / фпто: Eurovision.tv