Астронаут крсти месечев кратер по починатата сопруга, срушија рекорд: Како помина најважниот дел од Артемида 2?

Потоа, 40-тина минути по полноќ, астронаутите почнаа да се движат кон „темната“ страна на Месечината и тогаш сведочеа на волшебна глетка – заоѓање на Земјата.

Од нивна перспектива, Земјата изгледаше како да заоѓа зад хоризонтот.

Астронаутот Виктор Гловер гледа кон Земјата

Кога се движеа од другата страна на Месечината, астронаутите немаа контакт со Земјата бидејќи нашиот сателит ги попречуваше сигналите за комуникација.

„Како што се подготвуваме да ја прекинеме радио комуникацијата, уште ја чувствуваме вашата љубов од Земјата. И до сите вас на Земјата и околу неа, ве сакаме од Месечината.

Се гледаме на другата страна“, сподели астронаутот Виктор Гловер.

Капсулата Орион си направи селфи со една од надворешните камери на третиот ден од мисијата

Прекинот на комуникацијата траеше 40-тина минути, а овој период астронаутите го достигнаа и најголемото растојание од земјата – дури 406.700 километри.

Потоа, како што ја поминуваа темната страна, астронаутите сведочеа и на изгревање на Земјата, а тогаш успеаја да воспостават и комуникација со Земјата.

Околу 2:35 часот по полноќ, астронаутите сведочеа на уште една волшебна глетка – соларна еклипса.

Тие се најдоа во положба каде што од нивна перспектива, Сонцето беше целосно прекриено од Месечината. Соларната еклипса траеше околу еден час.

Месечината фотографирана од Орион на петтиот ден од мисијата

Еден час подоцна, тие ја завршија обиколката околу Месечината и почнаа да се подготвуваат за патувањето кон дома.

Денес во 19:25 часот, тие треба да ја поминат сферата на гравитациското влијание на Месечината. Оваа таканаречена сфера е растојанието каде што месечевата гравитација уште е посилна од земјината.

Рид Вајзман гледа кон Месечината неколку часа пред прелетувањето

Ова растојание е на околу 66.000 километри од Месечината и кога ќе го поминат, и официјално ќе го почнат патувањето кон дома.

Се очекува астронаутите да пристигнаа на Земјата во 2 часот по полноќ во сабота, односно, по американско време, во 20:07 часот во петок.

Астронаутката Кристина Кох во капсулата Орион

Ќе слетаат во Тихиот Океан, во близина на западниот брег на САД.

НАСА допрва ќе споделува фотографии од Месечината, а снимката од преносот од прелетувањето можете да ја гледате ТУКА.

Спирова С. | Црнобело