Астронаутите од Артемида 2 безбедно се вратија на Земјата, по патувањето до Месечината

Поради огромната температура, капсулата изгледаше како огнена топка, а краток период астронаутите изгубија контакт со центарот за комуникација.

По успешното влегување во атмосферата, на околу осум километри од површината на Тихиот Океан, беа ослободени падобрани со цел да се забави брзината на капсулата.

На околу седум километри од површината, беа пуштени уште два падобрани со кои капсулата дополнително се стабилизира.

На нешто помалку од три километри од површината, беа ослободени и главните падобрани кои значително ја забавија капсулата до брзина од 30-тина километри на час.

Со оваа брзина, астронаутите безбедно слетаа во Тихиот Океан.

Одовде, спасувачите екипи ги пренесоа астронаутите безбедно на Земјата каде што ќе треба да поминат извесен период во карантин.

Ќе имаат и период на адаптација бидејќи веднаш по враќањето може да се соочат со проблеми со стоењето, вртоглавица и слични симптоми.

Ракетата, капсулата и астронаутите ги надминаа очекувањата на експертите од НАСА кои со полна пареа веќе работат на следните мисии.

Со Артемида 3, која е планирана за 2027 година, ќе бидат тестирани операциите помеѓу капсулата Орион и модулите за слетување на Месечината на SpaceX и Blue Origin. Оваа мисија ќе се изведува во земјината орбита.

Доколу Артемида 3 се покаже како успешна, следи Артемида 4 – мисијата со која астронаутите ќе слетаат на Месечината и овде ќе поминат околу една недела.

Засега Артемида 4 е закажана за 2028 година, но датумот може да се промени.

Кликнете и погледнете неколку видеа од слетувањето и пречекот на астронаутите:

 

Спирова С. | Црнобело