Го удри гром додека беше распнат на крстот, има лузни од камшикувањето - Актерот што го глуми Исус помина вистинска голгота

За време на снимањето на филмот, Кавизел ослабел 20kg, а има и лузна долга 35cm што ненамерно му била направена со камшик, додека ги снимал сцените на Голгота.

Освен тоа, актерот за време на снимањето се здобил со повреда на рамото додека го носел крстот, а морал да се лекува и од пневмонија и хипертермија.

Сепак една од повредите за кои најмногу се зборува е ударот од гром. Наводно, актерот дури двапати бил погоден од гром, додека снимале на локација која е оддалечена неколку часа од Рим. Во една прилика тој го опиша искуството со следните зборови:

„Четири секунди пред да удри громот беше тишина, а потоа како некој да ме плесна по ушите. Околу седум или осум секунди пред очите видов само розова, заматена боја и луѓето почнаа да врескаат.

Рекоа дека сум имал пламен на левата страна од главата и светлина околу телото. Можам само да ви кажам дека потоа изгледав како да сум го посетил фризерот на Дон Кинг“ – рече Кавизел.

Заради повредата од ударот од гром, по завршувањето на снимањето, на Кавизел му била направена операција на отворено срце.

Но, тој вели дека никогаш не жали за тоа што се случило за време на снимањето, па дури најави и дека планира да игра во вториот дел од филмот што Мел Гибсон со години наназад го планира.

Инаку, уште еден интересен податок за актерот е и тоа што самиот изјави дека одбива да снима разголени сцени затоа што не сака да го уништи својот брак заради улога.

Б. С. Б. | Црнобело