На 16 години се предозирала со опојни супстанци, денес е мајка и сопруга за пример – Бурното минато на Пинк, пред да стане славна

Нејзиниот бунтовен карактер предизвикал нејзината мајка на 14 години да ја натера да оди на терапија кај психолог, а потоа и да ја избрка од дома кога имала само 15 години, по што пејачката останала бездомничка. Но, во истиот период веќе се обидувала да се пробие и учествувала на голем број аудиции за бендови со цел да ја започне кариерата.

Пинк во една прилика откри дека со Мадона немаат добар однос, затоа што кралицата на поп-музиката не може да ја сфати смислата за хумор на помладата колешка. Сепак, таа вели дека додека растела, Мадона ѝ била идол, па во еден период верувала дека е нејзина ќерка.

„Отсекогаш сум била личност што ја следела Мадона како напуштено кученце. Не разговарав со мајка ми една година затоа што бев сигурна дека таа ме посвоила. Се колнев дека ме одвоиле од Мадона по раѓањето, а ми се допаѓаше тоа што таа правеше сѐ што сака и кога сака“ – откри во една прилика Пинк.

Пинк вели дека најголем дел од нејзините песни се инспирирани од детството и од тешките почетоци во животот што ги имала. Без влакна на јазик, таа се пресметува со сѐ што не ѝ се допаѓа, па така на удар на нејзиниот црн хумор беа и Парис Хилтон, претстедателот на САД Џорџ Буш, Кристина Агилера итн.

Со сопругот Кори Харт се запознале во 2001-ва година, а 4 години подоцна во 2005-та година таа одлучи да го запроси така што среде трка на картон му напиша: „Ќе се ожениш ли за мене?“... Кори прво не го видел знакот, но на вториот круг застанал и прифатил, по што продолжил да се трка.

Тие стапија во брак во церемонија што се одржа во Коста Рика, но по две години во 2008-мата одлучија да се разделат. Во 2010-та година парот сепак се помири, а 9 месеци подоцна Пинк откри дека е бремена со ќерката Вилоу, која ја добија во 2011-та година.

Во 2016-та го добија и синот Џејмисон Мун, а оттогаш пејачката се труди максимално да биде успешна во својата кариера, но и да биде добра мајка и сопруга.

Б. С. Б. | Црнобело