Ријана се шета во чорапи и папучи, уморна и несредена – конечно без лажниот гламур кој го промовира (фото)

Детали

вторник, 25 април 2023

Во црни тренерки, со чорапи и папучи - бремената Ријана беше уловена во видно несредено издание заедно со партнерот и синот. Но, ретко кој коментира за папучите на Ријана, туку сите се фокусирани кон блескавата насмевка на нејзиниот 11-месечен син: „Ова бебе само се смее“.

Пејачката Ријана (35) во моментов е бремена со своето второ дете, а уште во првата бременост беше позната по тоа што не носеше трудничка облека, туку облекуваше само дизајнерски парчиња, што понекогаш граничеа со вулгарност.

Но, како што може да се види од папарацо фотографиите објавени во некои од медиумите, Ријана не поминува часови на високи потептици и во фустани од латекс, а очигледно и таа како и сите други жени има омилен пар тренерки што сака да ги носи кога сака да се опушти.

Во неделата (23.04) Ријана заедно со нејзиниот партнер Ејсап Роки присуствуваше на една забава во Бруклин, каде се појави во тесен црвен фустан со ролка со високи потпетици и гордо позираше пред присутните.

Но, само неколку часа пред тоа, папараците уловија една сосема поинаква верзија на славната пејачка.

Во моментот кога нивниот приватен авион слета во Њу Џерси, Ријана беше фотографирана во сосема опуштено издание.

Со црни тренерки, бунда, бели чорапи и папучи, пејачката изгледаше непрепознатливо (и уморно) додека разговараше со партнерот кој во раце го држи нивниот 11-месечен син.

Со оглед на тоа што на себе нема шминка, на фотографиите може да се забележи дека и во оваа бременост е видно отечена, но тоа успешно го крие во миговите кога треба да ја фотографираат.

Сепак, на социјалните мрежи речиси никој не го виде несредениот изглед на пејачката, туку сите коментираат за тоа колку е неодолива насмевката на нејзиниот 11-месечен син додека е во рацете на татко му.

„Никогаш не сме виделе посреќно бебе“, „Ова бебе секогаш е насмеано пред камерите“, „Тоа е среќно бебе“, „Кога и да го видиме се смее“ – стои во дел од коментарите.

https://twitter.com/GalerieRihanna/status/1650554265805500432

 Б. С. Б. | Црнобело