Има ќерка со автоимуна болест, била во долга врска со Италијанец – Факти за Хана Вадингам, водителката на Евровизија 2023

Во 2016-та година Хана ја доби ќерката Кити, која има автоимуно заболување, познато како Henoch–Schönlein purpura, здравствена состојба во која малите крвни садови стануваат воспалени и пропуштаат крв.

Актерката во една прилика кажа дека состојбата била дијагностицирана кога ќерка ѝ имала 3 години и наеднаш ѝ се слошило. Инаку, во најголем број случаи состојбата може да се излекува, но остава трајни последици врз бубрезите.

Хана е добитничка на наградата Еми, а вели дека статуетката ја чува во собата на нејзината ќерка, за да ја потсети дека никогаш нема да ја остави сама дома, освен ако не станува збор за нешто многу важно.

Во една прилика рече дека пред да ја добие улогата во Ted Lasso, му се молела на универзумот да ѝ даде улога што ќе ѝ овозможи истовремено да биде дома и да се грижи за ќеркичката, но и да може да работи.

Б. С. Б. | Црнобело