Шведска е победник на Евровизија 2023 - Лорин по вторпат победи на престижниот музички натпревар

Детали

недела, 14 мај 2023

Шведска е победник на Евровизија 2023. Лорин успеа по вторпат да победи на престижното музичко натпреварување, откако собра убедливо најмногу поени од националните жирија, но и од публиката.

Вечерва (13.05) во Ливерпул, Англија се одржа финалната вечер од Евровизија 2023. По спектакуларното отворање на престижниот музички натпревар, на сцената се појавија вкупно 26 финалисти - по 10 кандидати од двете полуфинални вечери, минатогодинешниот победник, Украина и претставниците на земјите од големата петорка.

Први на сцената се појавија претставничките на Австрија, Теја и Салена, со песната Who the Hell Is Edgar, а натпреварот заврши со настапот на претставничката на домаќинот Велика Британија, Мае Мулер со песната I Wrote A Song.

Годинава Македонија не учествуваше на натпреварот, а од соседството во финале влегоа Албанија, Србија, Хрватска и Словенија.

Српскиот претставник Лук Блек и вечерва, како и на полуфиналната вечер во вторникот на својата бела кошула носеше црна лента во чест на семејствата на загинатите во двете трагедии што неодамна ја погодија неговата земја.

Во рамки на годинешниот натпревар имаше голем број музички правци, најразлични костимографии и настапи. 

Покрај европските претставници, по деветти пат во натпреварот учествуваше и Австралија.

На сцената вечерва имавме можност да ги видиме настапите на минатогодишните победници, Украина, но и на земјите од големата петторка: Германија, Шпанија, Франција, Велика Британија и Италија.

Половина од гласовите беа од националното жири, а половина беа од публиката, која годинава освен по телефон, гласаше и онлајн. За првпат годинава беше дозволено да гласаат и земјите што не се учесници во натпреварот, а кои беа означени како „the rest of the world“, односно, остатокот од светот.

Апсолутен фаворит на националното жири беше Лорин од Шведска со песната „Tatoo“, на второ место беше Италијанецот Марко Мангони кој настапи со песната „Due Vite“, а на третото место беше Ноа Кирел од Израел со песната „Unicorn“.

Со гласовите од публиката само се потврди дека таа беше апсолутен фаворит на натпреварот, иако, претходно, атмосферата беше мошне напната и сите се прашуваа дали Лорин ќе успее да ги надмине поените што Финецот, Карија ги освои од публиката (и со кои се проби на врвот на табелата).

That winning moment! 🇸🇪 #Eurovision pic.twitter.com/z3HLXNvmJE

— Eurovision Song Contest (@Eurovision) May 13, 2023

Инаку ова е вторпат Лорин да победи на Евровизија. Таа победи на престижниот музики натпревар и во 2012-та година, кога победи со песната Euphoria.

Loreen becomes only the second artist to win the #Eurovision Song Contest TWICE 🏆🏆 pic.twitter.com/DxKXqB0t2G

— Eurovision Song Contest (@Eurovision) May 13, 2023

Loreen - Tattoo! 🇸🇪 The winner of #Eurovision 2023! pic.twitter.com/h74edfVS1h

— Eurovision Song Contest (@Eurovision) May 13, 2023

Б. С. Б. | Црнобело