„Навистина е одвратен“ – Фановите згрозени од расипаните и пожолтени заби на Џони Деп (фото)

Детали

четврток, 18 мај 2023

„Ги гледам фотките на Џони Деп и веднаш добивам желба да ги измијам забите“ – стои во еден од коментарите. Актерот стана топ тема на социјалните мрежи, заради фотките од пожолтените и расипани заби кои вирално се споделуваат по неговото појавување во Кан.

Дека на црвениот тепих секој детаљ е важен и дека ништо не може да помине незабележано, говорат и последните фотографии од Џони Деп на Канскиот фестивал.

Актерот изминатите денови беше топ тема затоа што откако помина неколку години на „црната листа“ на Холивуд, повторно се врати на големото платно.

Неговиот најнов филм Jeanne du Barry, по премиерата доби громогласен аплауз, но Џони привлече внимание и со еден детаљ од својот изглед.

На црвениот тепих тој се појави во елегантен костум и бела кошула, а на увото како обетка носеше врзана жица од гитара.

Но, кога се насмевна, наместо блескава холивудска насмевка, фотографите ги уловија неговите расипани, пожолтени заби – што веднаш станаа топ тема на социјалните мрежи.

Фотографиите во крупен кадар веднаш почнаа да се споделуваат на социјалните мрежи, а твитерџиите велат дека се згрозени од неговата насмевка:

„Изгледа заборавил да ги измие забите утрово...“

„Зошто морам да гледам слики одблиску од забите на Џони, без моја согласност?“

„Џони Деп? Човекот не се истуширал и не ги измил забите со децении. Само миризбата може да те убие“.

„Кога ќе ги видам фотките на Џони од Кан добивам инспирација да ги измијам забите, да ги исчистам со конец и убаво да го исчеткам јазикот“.

„Откако ја видов фотката на Џони Деп со забите веднаш отидов да ги измијам моите заби. Одвратно е!“

Б. С. Б. | Црнобело