Ја нападна помошничката, се лечеше од зависности: Скандалозниот живот на Наоми Кемпбел

Детали

вторник, 23 мај 2023

Наоми Кемпбел (53) и по четири децении на модната сцена мами воздишки со својот изглед и огнен карактер. Дамата која ги постави модните стандарди отсекогаш сакала да е светски позната - за кариерата ја жртвуваше љубовта, се бореше со зависности, живееше скандалозно, а се смири дури откако доби ќерка.

Наоми Кемпбел, еден од најпознатите светски супермодели, е првата Афроамериканка која се појави на насловните страници на францускиот и британскиот Vogue, и првата црномурна манекенка која се појави на насловната на магазинот Time.

Денес, на 53 години, Наоми изгледа како да е во своите 30-ти. Таа и понатаму мами воздишки со беспрекорниот манекенски став, исто како и на почетокот на кариерата.

Иако важи за една од најубавите и најпривлечни жени во светот, Наоми Кемпбел уште од почетокот на кариерата ја следеа многу скандали.

Поради избувливиот карактер, многу брзо ги губеше асистентките, а некои модни дизајнери дури и одбиваа да работат со неа. Но, тие ѝ ги простија грешките од минатото.

Која е Наоми Кемпбел?

Родена е на 22 мај 1970 година во Лондон, Англија.

Првиот договор со модна агенција го потпиша на 15-годишна возраст. Но, во тоа време веќе имаше снимено музички спотови на Боб Марли и бендот Culture Club.

Поттикната од ова искуство, Наоми реши да пее, па стана популарна во Јапонија. Нејзината пејачка кариера го достигна врвот со хитот „Love and Tears“ од 1994 година.

Нејзиниот деби албум „Baby Woman“ се продаде во повеќе од милион примероци.

Таа беше вклучена и во неколку филмски проекти од раните 1990-ти години, па се појави во неколку серии и филмови, меѓу кои и „The Cosby Show“, „The Fresh Prince of Bel-Air“ и „Ugly Betty“.

Во 1999 година Наоми лансираше и своја линија женски мириси.

Ја жртвуваше љубовта за кариерата

Низ годините Наоми Кембел ја поврзуваа со многу познати мажи – Леонардо ди Каприо, Роберт де Ниро, пејачот на One Direction, Лиам Пејн.

Таа беше свршена со басистот Адам Клејтон во 1993 година, а потоа и со бизнисменот и магнат на Формула 1, Флавио Бријаторе, но не се омажи за ниеден од нив.

Во едно интервју Наоми откри дека многу пати ја жртвувала љубовта за да биде светски познатата манекенка.

„Жртвата е да се најде сродна душа која ќе те разбере. Силна сум, но и чувствителна. И знам дека во врските морам да правам компромиси, кои не ги сакам секогаш“, вели Кемпбел.

Продолжува на следната страница...