Дечко му почина од СИДА, на телевизија кажа дека е хомосексуалец – Факти за Џорџ Мајкл, една од најголемите музички ѕвезди

Неговиот бенд Wham! се растури бидејќи тој се чувствувал заробено поради фактот што морал да ја крие својата сексуалност.

„Во реалноста, бендот не се распадна поради самиот бенд. За мене пресвртната точка беше кога одеднаш си помислив ’Боже, јас сум огромна ѕвезда и сум хомосексуалец‘ и депресијата што ја чувствував беше поради тоа, поради тоа што бев затворен“.

Џорџ вели дека со години не сфаќал колку всушност жртвувал што го криел своето вистинско лице.

Џорџ Мајкл имаше сериозни проблеми со зависност, но и со законот.

Првпат беше уапсен во 1998 година, кога му се додворувал на полицаец со цел да има секс во него во јавен тоалет. Полицаецот бил облечен како цивил.

Токму овој инцидент го натера пејачот да прозбори за својата сексуалност.

Во 2006 година, пејачот беше обвинет за секс на јавно место, но и за поседување дрога.

Во период од 12-тина години, Џорџ беше уапсен барем 10 пати за разни прекршоци.

Долг период Џорџ имаше проблеми со зависност од разни видови дрога, а последните години од животот ситуацијата само му се влошуваше.

„Спиеше до попладне, а потоа додека беше буден постојано пушеше марихуана. По цел ден играше видеоигри и гледаше телевизија“, пишува во неговата биографија George Michael: A Life.

Овој период, пејачот имаше и бурна врска со Пол Стаг – британски порно актер и ескорт.

Наводно, Џорџ неретко му плаќал за да имаат секс, а Пол му бил и дилер.

До 2014 година, пејачот имал сериозен проблем со панични напади, но и зголемена тежина поради прејадување.

Неколкупати се предозирал, но преживеал, па пријателите почнале да го молат да оди на рехабилитација.

Извесен период Џорџ бил во скап центар за рехабилитација во Швајцарија, но штом се вратил дома, продолжил со старите навики.

Дрогата што ја консумирал најчесто му ја зголемувала желбата за мрсна храна. Како последица на ова, пејачот не само што се здебелил, туку имал и замастен црн дроб.

На Божиќ 2016 година, Џорџ беше пронајден мртов во неговиот дом. Подоцна се дозна дека причина за смртта биле сериозни проблеми со срцето, како и замастениот црн дроб.

И покрај тажниот крај на пејачот, тој дефинитивно има направено многу добри дела.

Џорџ има донирано огромни суми, особено за истражувања за ХИВ и СИДА. Беше гласен говорник за правата на луѓето од ЛГБТ заедницата и беше дел од многу добротворни концерти и настани.

По неговата смрт се дозна и дека анонимно плаќал за културните настани во населбата во Лондон во којашто живееше.

Спирова С. | Црнобело