Ким Кардашијан со цел тим шминкери отиде да се слика за возачка – и Антониа Гиговска го прокоментира хит видеото

Детали

петок, 30 јуни 2023

„Ова е најважната фотографија во животот“ – рече Ким Кардашијан за да се оправда за тоа зошто со себе понела цел тим шминкери на фотографирањето за возачка дозвола. Антониа Гиговска го сподели видеото и се пошегува на нејзина сметка: „Замисли... и кај нас вака“.

Ретко кој од нас е задоволен од тоа како изгледа на фотографијата на возачката дозвола и останатите документи, па Ким Кардашијан одлучи да го реши овој проблем, така што со себе на фотографирање го понесе и својот тим професионални шминкери и стилисти.

Во последната епизода на реалното шоу The Kardashians, Ким требаше да ја обнови својата возачка дозвола во Калифорнија, а за неа фотографирањето за возачка не е нешто најнормално, како и за нас „обичните смртници“, па со себе ги понесе стилистите Крис Аплтон и Ариел Техада.

„Навистина сакам да изгледам добро. Зошто тогаш да не донесам со мене тим за разубавување и за осветлување. Знам дека е лудо, но не ми е гајле. Ова е најважната фотографија во животот“ – рече таа.

Крис Аплтон вели дека нивната улога е да ја поддржат Ким во тоа што го прави.

„Премногу луѓе мора да живеат со неубави возачки дозволи, па мора да се осигураме дека ќе биде како што треба. Па, затоа каде и да оди Ким, јас и Ариел ѝ го чуваме грбот“ – рече тој.

Инаку, Ким на крај се одлучи за втората фотографија, а можноста ја искористи за повторно да упати суптилна навреда кон нејзината сестра Кортни со која повторно се во лоши односи.

„Првото секогаш е најлошо, а второто е најдобро. Затоа јас сум второ дете“ – рече таа.

Видеото објавено на социјалните мрежи предизвика голем број реакции, а кај нас го сподели и Антониа Гиговска на Инстаграм Стори и на видеото напиша:

„Замисли и кај нас вака“ – напиша таа.

Инаку, од друга страна, Кортни објави дека една година по свадбата ја променила возачката во која го промени името во Кортни Кардашијан Баркер и ја објави својата фотографија.

Погледнете го видеото од фотографирањето на Ким:

@kardashviral

Kim’s comment at the end☠️ #kimkardashian #kardashians #thekardashians #kardashianshulu #chrisappleton #makeupbyariel #dmv

♬ original sound - KardashViral

Б. С. Б. | Црнобело