Сите детали за аргентинската актерка која почина по зголемување на задникот - ѝ инјектирале забранета супстанција

Детали

вторник, 05 септември 2023

Аргентинската актерка Силвина Луна почина од компликации кои настанале како резултат на процедура за лифтинг на задникот што ја направила уште во 2011-та. Пластичниот хирург, кој сè уште е на слобода, ѝ инјектирал забранета супстанција на актерката која ѝ предизвикала сериозни проблеми со бубрезите. Претходно, тој бил тужен од уште неколку жени за истата процедура.

Силвина Луна беше популарна аргентинска актерка која почина на 31.08 на 43-годишна возраст од здравствени компликации, како проблеми со бубрезите, по лошо изведена процедура за лифтинг на задникот.

Вестите за нејзината смрт беа споделени на 31-ви август, а наводно хирургот којшто ја извршил козметичката процедура веќе бил одговорен за смртта на друг пациент.

Силвина поминала 79 дена во болница, таму се заразила со болест, најверојатно ковид, и починала додека чекала трансплантација на бубрег.

Која е Силвина и што точно ѝ го загрозило здравјето?

Силвина Луна се прославила во Аргентина кога се пријавила во реалното шоу Big Brother во 2001 година.

Во 2011-та направила козметичка процедура за лифтинг на задникот бидејќи верувала дека ова ќе ѝ помогне да напредува во кариерата како модел и актерка.

Наводно, токму оваа операција е одговорна за нејзините проблеми со здравјето, а подоцна и нејзината смрт.

Силвина отишла кај контроверзниот пластичен хирург Анибал Лотокои кој во задникот ѝ инјектирал супстанција која е забранета во Аргентина.

Според медиумот Hola! хирургот ѝ инјектирал синтетички полимер, кој е всушснот вид пластика.

Анибал Лотоки - хирургот кој ја направил процедурата во 2011-та

Првите проблеми со здравјето на Силвина почнале да се јавуваат во 2015-та.

Тогаш била хоспитализирана бидејќи имала камења во бубрезите. Ѝ биле дијагностицирани и други проблеми со бубрезите, па морала да оди на дијализа трипати неделно, додека да се најде погоден донор.

Следната година, таа отишла кај друг хирург во Мајами (Кристијан Перез) кој ѝ ја отстранил штетната супстанција од задникот.

Продолжува на следната страница...