Дејвид Бекам не ги одлепува рацете од Викторија, откако неговата љубовница изнесе детали за аферата

Детали

среда, 25 октомври 2023

Ја држи за рака, таа му седи во скут додека во прв план се нејзините долги нозе – Викторија и Дејвид со вљубени фотки одговорија на обвинувањата на неговата поранешна асистентка и љубовница. Покажаа дека се вљубени еден во друг исто како првиот ден.

Дејвид Бекам во последниот месец е топ тема, благодарение на документарниот серијал за него што беше објавен на Нетфликс, а откако неговата некогашна љубовница отворено прозборе за аферата, тој и Викторија споделија фотки од заедничкото излегување.

Викторија и Дејвид Бекам излегоа на вечера во Мајами заедно со синот Бруклин и снаата Никола Пелц, но и со Лајонел Меси и неговата сопруга Антоанела Рокузо.

Ова беше нивно прво јавно излегување, откако поранешната асистентка на Дејвид, Ребека Лус јавно прозборе за нивната афера од 2003-та година, кога таа наводно го „фатила“ во соба со шпанска манекенка.

За вечерното излегување Викторија избра краток фустан во кој ги покажа нејзините долги нозе и длабоко деколте, а како што може да се види од фотките од вечерното излегување нејзиниот сопруг не ги одлепува рацете од неа.

Додека чекаа да влезат во ресторанот, тој ја држи сопругата за рака, а потоа на една од групните фотки што Викторија ги сподели на Инстаграм се гледа како тој ја држи за бедрото додека таа му седи комотно во скут.

Инаку, како и секогаш, Викторија и Дејвид покажаа дека остануваат заедно во секоја криза и дека немаат намера да дозволат пишувањата во таблоидите да ја разнишаат нивната семејна среќа, а интересно е што овојпат тие добија поддршка и од снаата Никола Пелц, со која минатата година Викторија беше во влошени односи.

За потсетување, Викторија во документарниот филм на Нетфликс за првпат отворено прозборе за аферата на нејзиниот сопруг со личната асистентка Ребека Лус и кажа дека го презирала Дејвид заради пишувањата во таблоидите.

Ребека Лус, пак, молчеше краток период, но потоа одлучи да излезе и јавно да каже што се случувало во периодот додека таа му била и асистентка и љубовница на фудбалерот.

Погледнете уште неколку фотки од Викторија и Дејвид:

Прочитајте и Мораа да ја кријат врската, Викторија го запросила Дејвид - 8 факти за бракот на Бекамови, по повод 23-тата годишнина

Б. С. Б. | Црнобело