Продуцентот ја силувал, речиси умрела од нарушување во исхраната: Трагичниот живот на Кеша

Имаше нарушувања во исхраната

Поради изгладнувањето, Кеша развила и нарушување во исхраната. Постојаните критики од сите околу неа, само ѝ ја влошиле ситуацијата.

„Тоа што гледав папарацо фотки од мене со злобни коментари за мојот изглед ми го влошија нарушувањето во исхраната.

Иронично е што во периодот кога бев преслаба и се чувствував најлошо во животот, постојано слушав комплименти за мојот изглед“ изјави таа во 2017-та.

Во 2014-та, Кеша отишла на рехабилитација каде што поминала два месеца и се вратила на нозе.

Го тужеше нејзиниот продуцент за силување

Во 2014 година, Кеша поднесе тужба против нејзиниот продуцент Dr. Luke со обид да го раскине договорот со него.

Дотогаш, тие соработуваа 10 години, а според Кеша тој ја малтретирал вербално, психички, физички и сексуално до тој степен, што речиси умрела.

Кеша истакна дека најлошиот напад се случил во 2005-та, кога продуцентот ја издрогирал и ја силувал.

По ова, продуцентот најави контратужба за клевета и одби да го раскине договорот, по што следеше долга судска битка.

Ја изгуби битката, а со тоа и слободата да прави музика

На крај, Кеша го изгуби случајот. Поради ова, не смееше да соработува со ниту еден друг продуцент освен Dr. Luke.

Фановите ја поддржуваа, вклучувајќи и бројни познати личности.

Додека да заврши судењето, Кеша немаше издадено песна веќе пет години, а поради пресудата не ни можеше, па Тејлор Свифт ѝ донираше 250.000 долари.

Дури во јануари 2023-та, Кеша и продуцентот направија спогодба и нивниот договор е раскинат.

Во 2023-та речиси загина по третман за плодност

Во релативно ново интервју од јуни 2023-та, Кеша откри дека на почетокот од годината речиси ќе умрела.

Пејачката замрзнала јајцеклетки кон крајот на 2022 година, но по процедурата почнала да се чувствува многу слабо.

Таа не сподели многу детали, но откри дека морала да помине цела недела во болница и дека била на работ на смртта.

Спирова С. | Црнобело