Тажни детали од животот на Еминем: Речиси умре од предозирање со дрога, мајка му го малтретирала

Сакан член од неговото семејството извршил самоубиство

Бидејќи немал татко, „татковска фигура“ во животот на Еминем биле двајца негови чичовци – Рони и Тод.

Раперот бил особено близок со Рони и наводно поради него почнал да ја сака рап музиката.

Но, кога Еминем имал 19 години, Рони извршил самоубиство. Во интервју за Rolling Stone, раперот откри дека толку бил тажен што не зборувал со денови, а не можел да му отиде ни на погреб.

Поранешната сопруга проба да изврши самоубиство

Еминем беше во брак со Ким Скот кој заврши мошне бурно.

Тој дури и издаде две песни во кои вели дека фантазира да ја убие.

Поради текстовите на песните, Еминем беше обвинет за семејно насилство, но го негираше ова.

Сепак, се чини стиховите имале ужасно влијание врз Ким која пробала да изврши самоубиство околу една година подоцна.

Подоцна, во интервју за People, таа зборуваше за влијанието на песните врз неа:

„Кога гледав како тој ја пее песната, а публиката се радува, ги пее стиховите и се смее… Знаев дека тоа е за мене, па таа вечер отидов дома и пробав да извршам самоубиство“.

Речиси умре од предозирање

Уште од почетокот на кариерата донекаде беше јасно дека Еминем има проблеми со зависност од дрога.

Дури и самиот имаше изјавено дека неговиот проблем со дрогата е „јавна тајна“.

Но, сериозната на оваа зависност излезе на виделина во 2007-ма, кога раперот речиси умре по предозирање.

Следната година раперот успеа да се ослободи од дрогата, а издаде и албум во чиј фокус е битката со зависноста.

Во 2021-ва, тој откри дека е трезен повеќе од 12 години.

Го изгуби најдобриот пријател

Во 2006 година, пред ноќен клуб во Детроит, пријателот на Еминем – раперот Proof – беше застрелан и убиен.

Тој и раперот биле пријатели уште од детството.

„Бевме браќа. Тој ме направи личноста којашто сум денес. Без неговото водство и неговото охрабрување, Еминем немаше да постои“, изјави раперот по трагичната смрт.

Спирова С. | Црнобело