Беше во брак со руски тајкун, татко ѝ е политичар: Која е новата девојка на Том Круз?

Детали

петок, 15 декември 2023

Елсина Кајрова е 36-годишната жена за која се шпекулира дека е новата девојка на 61-годишниот Том Круз. Таа е ќерка на руски политичар, како и поранешна сопруга на руски тајкун.

Иако сè уште немаат заеднички фотки, се шпекулира дека Том Круз има нова девојка – 36-годишната Русинка Елсина Кајрова.

Парот бил забележан на забава во Лондон на која присуствувале претежно моќни луѓе од Русија.

Според изворите на Daily Mail, 61-годишниот актер и Елсина биле неразделни во текот на вечерта и било повеќе од очигледно дека се пар.

Актерот постојан флертувал со неа, а на крај заедно ја напуштиле забавата, и тоа уште пред да заврши.

„Беа неразделни, очигледно беше дека се пар. Том беше воодушевен од неа. Актерот беше многу пријателски настроен – постојано го молеа да се фотографираат со него, но тој учтиво ги одбиваше.

На крај, диџејот мораше гласно да соопшти на руски дека господин Круз не сака да биде фотографиран“, открива изворот на британскиот медиум.

Она што е интересно за новата девојка на актерот е нејзиното потекло, но и нејзиното минато.

Елсина е поранешен модел и има и британско државјанство, а беше во брак со рускиот тајкун Димитри Цетков.

За нивниот бурен развод се зборуваше многу, најмногу бидејќи Димитри беше обвинет дека крадел и криел пари од Елсина, вклучувајќи вредни уметнички дела и нејизната колекција чанти вредна над 1 милион евра.

Во 2022-ра, таа беше и на суд бидејќи наводно не ѝ платила на компанијата која инсталирала фонтани во една од нејзините куќи.

Нејзиниот татко, пак, е контроверзна личност – тој е моќен руски политичар и се смета за еден од најголемите поддржувачи на Владимир Путин.

Повеќе фотки од Елсина:

Продолжува на следната страница...