Кој има руски корени во Холивуд?

Детали

вторник, 10 јануари 2012

За колку холивудски ѕвезди знаете дека имаат руски корени? Сосема е сигурно дека ги има многу повеќе отколку што можете да претпоставите.

 

Ова се дел од руските „деца“ во Холивуд:

1. Стивен Спилберг -  двајцата дедовци му потекнуваат од Русија, а мажот на неговата сестра е далечен роднина со Борис Пастернак, руски писател на романи и поезија.

2. Силвестер Сталоне – Малку е веројатно дека срамежливото еврејско девојче Роса Робиновиќ од Одеса некогаш би помислила дека нејзиниот правнук ќе стане светски познат актер.

3. Дејвид Духовни – Таткото на Дејвид е евреин од Русија. Неговото име е Амрам Дуковни, но го променил презимето за да се прилагоди на американското говорно подрачје.

4. Никол Шерцингер – Нејзината мајка е пола Русинка половина Хавајка.

5. Натали Портман – родителите на Натали се преселиле од Молдавија во Ерусалим.

6. Гвинет Палтроу – нејзините претци живееле во Минск, Белорусија.

7. Мила Јовович – Родена е во Киев, Украина, а таму ги поминала и првите пет години од животот.

8. Харисон Форд. Бабата на Харисон во 1907 го напуштила Минск. Актерот во моментов ги бара роднините кои можеби уште живеат некаде во Белорусија.

9. Леонардо Ди Каприо – бабата на Леонардо, после револуцијата, заедно со своите родители се преселила од СССР во Германија. Таму се омажила, а нејзината ќерка подоцна се преселила во Америка каде го родила Леонардо.

10. Вупи Голдберг – Бабата на оваа актерка е родена во Одеса, Украина.

Кој ве изненади најмногу?