Мал телевизор, пластични полици во бањата: Скромниот дом на Дру Баримор е хит на ТикТок

Детали

четврток, 21 март 2024

Иако има богатство од над 120 милиони долари, домот на Дру Баримор е релативно скромен и сигурно не би помислиле дека е на позната и богата личност.

Повеќето мислиме дека славна личност како Дру Баримор, со богатство од над 120 милиони долари, би живеела во палата.

Но, изгледа Дру Баримор не е заинтересирана за раскош и луксуз.

Неодамна, на својот ТикТик профил, актерката сподели видео во кое вели дека многу сака да седи дома, без разлика што на многумина тоа им изгледа здодевно.

Во видеото, таа пржи јајца, пробува облека во гардероберот и, генерално ужива во времето поминато дома.

@drewbarrymore

I love staying in.

♬ original sound - Drew Barrymore

Видеото стана вирално бидејќи ја покажува скромноста на актерката, но и ги потсети фановите на слично видео од почетокот на годината.

Во јануари, на Инстаграм и ТикТок актерката сподели видео во кое открива дека на телевизија го гледа филмот The Wedding Singer каде што таа ја има главната улога.

Накратко ја покажа и дневната соба која изгледа мошне скромно кога ќе се земе предвид нејзиниот статус.

Наместо огромен, па и паметен телевизор, актерката има значително постар и помал модел, кој стои на мала комода. А, одоколу нема ништо.

Генерално, целата дневна соба е скромна, со мала масичка и скоро никаков мебел.

Во новото видео, пак, актерката покажа уште неколку детали од домот.

Се гледа дека има релативно обична кујна и трпезарија, а и плакарот е далеку од огромен.

Друго видео е снимено во бањата на актерката, а во заднина се гледаат евтини пластични полици за шампони и слични продукти.

@drewbarrymore

@The Rock, there is nothing you can’t do! I love each and every one of the @Papatui products so much. I’ve been waiting for a product that I can use on my tattoos to show them love for as long as I can remember. The Papatui enhancing tattoo balm is exactly what I’ve been looking for! I’ll see you next week @thedrewbarrymoreshow!

♬ original sound - Drew Barrymore

Во коментари на видеата, фановите имаат комплименти за скромноста на актерката:

„Изгледа многу слатко и се гледа дека ужива во едноставните работи во животот“.

„Навистина е приземјена“.

„Сакам да ми биде пријателка!“

Сепак, некои сметаат дека актерката претставува лажна скромност:

„Сигурно ова ѝ е една од многуте куќи“.

„Богатите пак се преправаат дека се дел од работничка класа…“

Спирова С. | Црнобело