Славни личности кои беа неразделни пријатели, но денес не зборуваат

Детали

понеделник, 09 септември 2024

Том Круз и Џејми Фокс беа добри пријатели, сè додека Кејти Холмс не застана меѓу нив…

Ривалствата во светот на славните не се ништо ново, а многупати ѕвездите кои биле мошне блиски, денес се најголеми непријатели.

Неколку пријателства во Холивуд кои завршија неславно:

Дрејк и Канје Вест

Војната помеѓу Канје Вест и Дрејк почна да се води на социјалните мрежи, но и преку нивните песни.

Неретко тие се навредуваа и во интервјуа.

Не е познато што точно ги разделило некогашните пријатели, но наводно станува збор за професионално ривалство.

Селена Гомез и Деми Ловато

Селена и Деми се прославија заедно, па не е ни чудно што беа неразделни.

Сепак, поради приватните проблеми на пејачките, вклучувајќи ги и проблемите со менталното здравје, тие се оддалечија.

Бијонсе и Ким Кардашијан

Можеби не беа најдобри пријателки, но преку нивните (поранешни) сопрузи, Ким и Бијонсе беа доста блиски.

Сепак, откако Бијонсе и Џеј Зи ја пропуштија свадбата на Ким и Канје, стана јасно дека на пријателството му дошло крајот.

Но, не е познато зошто.

Том Круз и Џејми Фокс

Познатите актери беа мошне добри пријатели, но меѓу нив застана бившата на Том – Кејти Холмс.

Односот меѓу актерите драстично се влошил откако Џејми Фокс почна врска со неа.

Мараја Кери и Џеј Ло

Некогаш, Мараја Кери и Џеј Ло беа мошне блиски пријателки, но по некој период почнаа суптилно да се навредуваат во интервјуа, па и преку нивните песни.

Наводно, имале неколку обиди да го подобрат односот, но безуспешно.

Линдзи Лохан и Парис Хилтон

Во младоста, Линдзи и Парис беа познати по честото одење на забави и веројатно ова ги зближило.

Но, по гласините дека Линдзи е во врска со бивш дечко на Парис, нивниот однос се влоши. Неколкупати тие и јавно се навредуваа.

Иако Парис ѝ честита на Линдзи кога стапи во брак, се чини дека уште не зборуваат.

Мадона и Гвинет Палтроу

Мадона и Гвинет се зближиле поради желбата за фитнес, а го влошија односот поради нивната фитнес тренерка.

Мадона ја отпуштила, па Гвинет застанала на нејзина страна. Во една пригода, актерката изјави и дека Мадона честопати била злобна.

Спирова С. | Црнобело