Зошто славните се уплашени по апсењето на Пи Диди - Ги приморувал да учествуваат во оргии, па ги снимал

Познато е дека и пејачката беше уапсена заедно со него заради нелегално поседување оружје, по што нивната љубовна приказна заврши, а таа рече дека причина за раскинувањето било тоа што тој постојано ја изневерувал.

„Никогаш не го фатив на дело, но знаев. Ќе ми речеше дека излегува на неколку часа и потоа не се враќаше по цела ноќ“ – рече Џеј Ло во една пригода.

Прочитајте и Лудата врска на Џеј Ло и Пи Диди: Ја уапсија заради него, исчезнувал и го барала по хотелски соби

Меѓу другите славни личности кои се соочуваат со проблеми е и Џастин Бибер, кому Пи Диди му беше ментор од почетокот на кариерата, а на Твитер масовно се споделуваат видеата на кои се гледа како тој позира со 17-годишниот Џастин и го прашува зошто веќе не се дружат како порано.

Многумина се прашуваат и се сомневаат дали и младиот музичар бил жртва на Пи Диди, уште додека бил малолетен.

Исто така објавено е уште едно видео, на кое Пи Диди го „допира“ Џастин по телото, на кое навидум изгледа дека го проверува својот ученик дали носи опрема за прислушување на себе.

Освен нив, засега не се огласила ниту поранешната девојка на раперот Кеси Вентура, која јавно излезе и обелодени што сè ѝ се случувало додека живеела заедно со него, а спорот со него го реши во вонсудска постапка и се верува дека Пи Диди ѝ платил 100 милиони долари за да молчи.

Прочитајте и „10 години ме тепаше и ме снимаше додека имам секс со други мажи“: Бившата на Пи Диди со скандалозни обвиненија

Инаку, додека траеше истрагата за трговијата со луѓе, во јавноста проговори човекот кој е обвинет за убиството на рап музичарот Тупак, Дуан Кифи Ди Дејвис.

Тој беше обвинет за убиството на Тупак, а наводно според пишувањата на дел од таблоидите во јули годинава, за време на испрашувањето во полиција, осудениот убиец потврдил дека Пи Диди во тоа време понудил 1 милион долари за убиството на славниот рапер.

Сè на сè, ако се земе предвид неговото криминално минато, но и видеоснимките, за кои сè уште не се знае кој бил меѓу „ѕвездите“ кои се впуштале во сексуални активности со проститутките, јасно е зошто голем дел од славните избираат мудро да молчат додека го чекаат исходот од судењето.

Б. С. Б. | Црнобело