Колегите од „Пријатели“ загрижени за Мет Лебланк: „Изгледа запуштено и се изолира, не може да го преболи Метју Пери“

Детали

среда, 30 октомври 2024

Колегите од серијата „Пријатели“ почнале сериозно да се загрижуваат за Мет Лебланк кој по смртта на Метју, почнал да ги избегнува, да се изолира, но и да си го запоставува изгледот и здравјето.

Помина точно една година од трагичната смрт на актерот Метју Пери, но сега ѕвездите од „Пријатели“ се загрижени за друг колега од серијата – Мет Лебланк.

Актерот речиси и да не се појавува во јавност, а извори откриваат дека избегнувал контакт и со колегите од серијата.

Изминатиов месец, Мет Лебланк беше забележан во јавност неколкупати, а на сите папарацо фотки делува уморно.

Последно, тој беше фотографиран во вторникот (29.10), еден ден по годишнината од смртта на Метју Пери.

Актерот беше во лежерно издание, со бејзбол капче, а како што излезе од автомобилот запали цигара и изгледаше загрижено.

Мет беше забележан и кон крајот на септември, повторно со истиот израз на лицето.

Според изворите, колегите од „Пријатели“ сметаат дека тешко се справува со смртта на Метју кој му беше добар пријател и по завршувањето на серијата.

„Никој не го осудува или обвинува Мет за неговиот начин на живот.

Нo, она што ја загрижува Џен (Анистон) и другите колеги од серијата е тоа што деновиве толку многу се изолира, што се слушаат со него едвај еднаш месечно“, вели изворот за In Touch Weekly.

„Понекогаш е во контакт со нив, но главно се изолира и не покажува никаков интерес за социјализација.

И, сите се тажни што го гледаат во таква состојба. Беше весела и среќна личност, но сега како да не сака да биде во нивно друштво.

Очигледно, страда и неговата самодоверба, а очигледно е и дека ја запоставува грижата за себе.

Џенифер, Кортни, Лиса и Дејвид сакаат да му помогнат и да го натераат повторно да се смее. Трагедијата со Метју ги натера да сфатат дека животот е краток и скапоцен“, додава изворот.

Друг извор вели дека Џенифер Анистон и Кортни Кокс почнале и да одат во домот на Мет, само за да не биде сам и да можат да внимаваат на него.

„Џенифер има и преспиено кај него неколкупати.

Со Кортни постојано контактираат за да се осигурат дека барем една од нив ќе внимава на Мет“.

Инаку, Мет Лебланк беше првиот од колегите од серијата што се огласи за смртта на Метју.

Тој и актерот беа соседи пред неговата смрт и често се дружеа.

Друг детаљ што ги загрижува колегите е тоа што Мет веќе извесен период нема работни ангажмани.

Неговиот последен проект беше обединувањето на ѕвездите од „Пријатели“ од 2021 година.

Иако Мет има богатство од над 80 милиони долари, колегите сметаат дека ако не работи, премногу ќе се фокусира на тагата и тоа целосно ќе го обземе.

Актерот претходно има изјавено дека е интровертна личност.

„Луѓето постојано ме прашуваат дали сум во ред бидејќи сум поповлечен од ликот што го глумам во Пријатели. Мислат дека сум депресивен или тажен…“

Моментално Мет Лебланк не е во врска, но има ќерка која има проблеми со здравјето, па веројатно минува и многу време со неа.

Прочитајте повеќе: Ретко мозочно нарушување, разведени родители – тажната приказна на ќерката на Џои од „Пријатели“

Спирова С. | Црнобело