Должела над 40 милиони, Дејвид ѝ позајмува пари: Како модниот бренд на Викторија Бекам избегнува банкрот?

Детали

петок, 08 ноември 2024

Викторија Бекам го лансира нејзиниот моден бренд во 2008 година, а првпат пријави профит дури во 2022-ра, и тоа во износ од само 200.000 долари. Како модната дизајнерка ја спасуваше фирмата од банкрот повеќе од една деценија?

Викторија Бекам ја почна кариерата како пејачка со групата Spice Girls, потоа се пренасочи во модната индустрија и денес е позната како дизајнерка.

Но, знаевте ли дека цели 15 години, таа немаше никаков профит од модниот бренд и всушност имаше долг од над 40 милиони долари?

Викторија го лансира својот бренд во 2008 година, а првпат имаше профит дури во 2022-ра, и тоа од едвај 200.000 долари.

Секако, оваа сума не е занемарлива за мал бизнис.

Но, Викторија нема „маалска“ продавница за облека, туку дизајнерски парчиња кои се продаваат по цена како врвните модни брендови.

Притоа, нејзината облека ја носат ѕвезди како Кејт Мидлтон, Лејди Гага и Џеј Ло и не е наменета за „обични луѓе“.

Па, како Викторија ја спасуваше неуспешната модна империја пред да заработи нешто?

Како што спомнавме, Викторија Бекам го лансира својот бренд во 2008 година, кога одржа и модна ревија во хотел во Њујорк.

На ревијата присуствуваа само модни новинари, а Викторија претстави 10 фустани дизајнирани од неа.

Иако доби релативно добри критики, ова, очигледно, не било доволно за брендот да стане профитабилен.

Трошоците за брендот биле огромни, па во 2011-та, иако Викторија заработила околу 15 милиони долари, сепак била во минус.

До 2015-та, Викторија заработувала и до 34 милиони долари годишно, но имала уште поголеми трошоци и профитот сè уште бил далечен сон.

Тогаш почнал и особено тежок период за дизајнерката.

Во 2017 година зела наем од 30 милиони долари, но ни ова не ѝ помогнало и, на крај, повторно била во минус.

Следната година, пријавила загуби од над 12 милиони долари, а во 2019-та – загуба од над 16,5 милиони долари.

Со ова, брендот на Викторија 11 години по ред имал само загуба.

Но, тогаш истапил Дејвид Бекам, кој ѝ дал околу 23 милиони на Викторија за да ја „извади од калта“.

А, ова не било првпат Викторија да зема при од сопругот за да може да продолжи со бизнисот – покрај 23-те милиони, низ годините тој ѝ дал милиони долари, само за да не мора да ја затвори фирмата.

До 2021 година, брендот на Викторија имал долг од 46 милиони години.

Па, ревизорите се сомневале во способноста на Викторија да продолжи да ја води фирмата и да не банкротира.

Но, веќе следната година, на дизајнерката ѝ се насмевна среќата и во 2022-ра, скоро 15 години од лансирањето на фирмата, таа конечно забележала профит од 200.000 долари.

Продолжува на следната страница...