„Отсекогаш знаев дека сакам да сум жена“: Која е Карла Софија Гаскон, првата трансродова актерка номинирана за Оскар?

Детали

петок, 24 јануари 2025

Карла Софија Гаскон, родена како Карлос, ја завршила транзицијата во 2018 година и иако сопругата ја прифатила, се шегува дека се претворила во камен кога првпат ја видела како жена. Што знаеме за првата трансродова актерка која доби номинација за Оскар 2025?

Мексиканската актерка Карла Софија Гаскон вчера (23.01) доби номинација за Оскар за најдобра актерка во главна улога, и со тоа стана првата трансродова жена која е номинирана за престижната филмска награда.

Таа ја има главната улога во филмот Emilia Pérez, каде што глуми наркобос кој сака да се пензионира за да може да си го промени полот и да го продолжи животот како жена.

Филмот наиде и на добри, и на лоши критики, најмногу поради темата што ја обработува, но според многумина, веќе е меѓу фаворитите за Оскар.

За улогата, Карла веќе освои неколку награди, вклучувајќи и „Златна палма“ за најдобра актерка на Канскиот филмски фестивал минатата година.

Што знаеме за Карла Софија Гаскон?

Карла ја почнала кариерата како машки актер (Карло Гаскон) во мексикански теленовели, но вели дека знаела дека сака да биде жена, односно девојче, уште во детството.

„Уште на 4-годишна возраст, гледав други девојчиња и си мислев ’И јас сакам да бидам таков‘.

Или, кога ќе видев девојка на телевизија, повеќе се поврзував со женските ликови, отколку со машките“.

Но, таа вели дека не ни помислувала да им каже на родителите за своите чувства.

На 16-годишна возраст почнала да размислува за актерска кариера, па се пријавила во агенција за кастинг.

Брзо почнала да добива улоги, но повеќето како статист.

Сепак истакнува дека и работата како статист ѝ помогнала да научи многу за индустријата.

Истовремено, поради овој период од животот, вели научила да ги почитува статистите.

„Пробувам да им обрнувам внимание бидејќи знам какво е чувството кога мислите дека ни Бог не ве забележува.

Денес пробувам да ги охрабрам и да им кажам дека и јас сум била во таква положба, па не треба да губат надеж“.

Кога наполнила 20 години, Карла го изгубила брат ѝ – загинал во скијачка несреќа.

Додека се справувала со смртта на брат ѝ, но и својот идентитет, Карла морала да почне да бара постојана работа, не само како статист.

Извесен период поминала во Лондон каде што работела на неколку серии.

Пред транзицијата во жена, Карла била во сериозна врска со девојка, а кон средината на 20-тите години од животот, тие стапиле во брак, а заедно имаат и ќерка.

Во доцните 90-ти кариерата почнала да ѝ оди во нагорна линија и Карла почнала да добива улоги во теленовели.

Продолжува на следната страница...