Почина Вал Килмер (65), ѕвездата од Top Gun и Batman, кој го изгуби гласот поради рак на грлото

На крај, во 2017 година, Вал призна дека има рак, а дотогаш веќе бил третиран со радијација и хемотерапија.

А, поради операцијата на грлото, гласните жици му биле толку многу отштетни, што едвај зборувал.

До 2020 година, актерот откри дека ракот е во ремисија истакнувајќи дека закрепнал навистина брзо.

Сепак, оштетувањето на гласот беше непоправливо.

Во 2021 година, актерот објави документарец насловен Val во кој зборуваше за битката со ракот, но и уредот кој му помогнал да си го врати гласот, барем донекаде.

Тој откри дека со помош на вештачка интелигенција, уредот користел глас кој е најблиску до неговиот.

„Мојот глас ми беше одземен. Луѓето не можат да ме разберат кога зборувам. Но, и покрај тоа јас се чувствувам како истата личност. Уште ја имам истата креативна душа. Душа која сонува за идеи и приказни.

Но, сега повторно можам да се искажам (со новиот глас), да ги споделам моите идеи со вас и уште еднаш да ви го покажам овој дел од мене.

Дел кој никогаш не исчезна, туку само се криеше“, изјави актерот во документарецот.

Среде битката со ракот, Вал Килмер речиси целосно ја паузира актерката кариера.

Но, во 2022 година, ја репризираше својата улога од серијалот Top Gun, во продолжението Top Gun: Maverick.

Актерот сакаше и да слика, а последните години од животот најмногу ги посвети на ова хоби.

Иако го победи ракот, актерот јадел само преку цевка, а поради ова драстично ослабел.

Губењето на гласот имало влијание и врз неговото ментално здравје.

Се шпекулираше и дека има некаква автоимуна болест, но ова никогаш не беше потврдено.

Не е познато што точно му се случувало во последните денови од животот, освен дека имал пневмонија која веројатно се искомплицирала.

Прочитајте и: Криел дека има рак на грлото, со вештачка интелигенција го вратил гласот – Факти за Вал Килмер

Спирова С. | Црнобело