Имала булимија, горда е на уникатната насмевка: Која е симпатичната британска актерка од The White Lotus?

Детали

сабота, 05 април 2025

Актерката Ејми Лу Вуд привлече внимание и со уникатната убавина, и со својот талент. Потекнува од скромно семејство во Англија и поради забите, не ни сонувала дека ќе добие улога во серија како The White Lotus, уште помалку дека ќе стане светски позната.  

Секој лик во серијата The White Lotus е посебен на свој начин, но во третата сезона, можеби највпечатлива е Челзи која ја глуми Ејми Лу Вуд.

Убавата 31-годишна актерка е препознатлива по уникатната насмевка, а фановите на серијата веќе ѝ предвидуваат блескава кариера во Холивуд.

Досега Ејми се има појавено во серијата Sex Education, а добивала и помали улоги во серии на Нетфликс и BBC, но благодарение на улогата во The White Lotus почна да привлекува внимание и со изгледот, и со талентот.

Неколку факти за младата актерка:

Потекнува од скромно семејство

Ејми потекнува од најобично семејство од Манчестер и има родители од работничката класа.

Вели дека на училиште често била малтретирана од богатите соученици, како и дека уште не знае како да се однесува на црвен тепих, покрај славни и успешни личности.

„Овие луѓе живеат во Холивуд. Јас живеам во мојот мал стан во Лондон.

Не бев сигурна дали ќе можам да се снајдам околу луѓе кои се толку познати и самоуверени“, изјави актерката за Hollywood Reporter.

Била жртва на булинг поради забите

Ејми откри дека во детството честопати ја исмејувале за нејзините заби.

Поради ова мислела дека е грда и дека никогаш нема да добие поголема улога.

Сепак, вели дека тоа што одбива да си стави нови заби сега е вид бунтување од нејзина страна.

„Отсекогаш си велев дека нема да добијам улога во серија бидејќи изгледам чудно.

Секој кој бил жртва на булинг знае како е да се обвинуваш себеси – си велев, ако бев помалку грда, можеби ќе успеев…“

Дури сега сфатила дека лошото мислење за забите е само нејзино.

„Сè е во мојата глава. Како лага што си ја кажував самата.

Пробував да се убедам дека не сум доволно убава и морав да го надминам тоа“.

Продолжува на следната страница...