Купишта облека и ѓубре – Џин Хакман и сопругата живееле во хаос пред мистериозната смрт (фото)

Детали

среда, 16 април 2025

Лекови, книги, кеси со намирници и куп облека насекаде – полицијата од Санта Фе објави фотографии од домот на Џин Хакман и сопругата Бетси кои живееле целосно изолирани и не сакале да најмат хигиеничари или каква било послуга во огромната куќа во која починаа.

Околу два месеца по мистериозната смрт, актерот џин Хакман и неговата сопруга Бетси Аракава беа погребани.

Семејството организирало приватна церемонија во Санта Фе, Ново Мексико – градот каде што парот и живееше.

Вo меѓувреме, полицијата од Ново Мексико сподели фотографии од домот на актерот и сопругата кој е во навистина лоша состојба.

Џин и Бетси живееја во огромна куќа, а сите простории што се фотографирани се во хаос. Книги, лекови, продукти за хигиена, кутии и купишта облека можат да се видат во секоја соба.

Гардероберот е преполн со облека која е закачена, но има и облека и на подот, на столови, во други соби…

Хаос владее и во кујната каде што има и хартиени кеси полни со продукти од пазарење.

Некои делови од куќата делуваат посредено, но главно во сите соби има бројни расфрлани предмети.

Во интервју од почетокот на март, ќерките на актерот открија дека татко им и Бетси биле многу приватни и не дозволувале некој да им го средува домот. Не сакале да најмат хигиеничари или каква било послуга.

Исто така, тие спомнаа дека последен пат ги виделе околу година и пол пред нивната трагична смрт.

Како причина за смртта на Бетси е наведена зараза со вирус кој го пренесуваат стаорци.

Претходно беше соопштено дека на имотот имало стаорци, но сега надлежните откриваат дека во главната куќа каде што живеел парот, и покрај хаосот, сепак немало наезда на стаорци или какви било паразити.

Но, најверојатно Бетси се заразила на друг дел од имотот, се претпоставува во гаражата.

Актерот, од друга страна, имал влошено здравје и Алцхајмерова болест во напредна фаза, па тоа се меѓу главните фактори за неговата смрт.

Надлежните претпоставуваат дека прво починала Бетси, а по неколку денови и Џин бидејќи не бил во состојба самиот да се грижи за себе.

Парот се грижел и за три кучиња, од кои едното беше пронајдено мртво со нив, најверојатно поради дехидратација, бидејќи било заробено во куќата.

Погледнете и: Последните денови на Џин Хакман: Имал деменција и цела недела гладувал, откако сопругата починала од вирус

Повеќе фотографии од домот на парот во продолжение:

• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело