Семејно насилство, пијани тепачки, напад на полицајци: Бројните скандали на актерот Шиа Лабаф

Беше избркан од куглана по расправија со келнер

Повторно во 2017 година, актерот се најде среде уште еден јавен инцидент - бил во куглана во Калифорнија, под дејство на алкохол, каде му побарал порција помфрит на барменот.

Кога барменот одбил да го услужи, актерот почнал да вика, да пцуе и да го навредува, па со обезбедување го изнесле надвор.

Сепак, потоа морал да се врати бидејќи уше ги носел чевлите од кугланата.

Уште едно апсење, овој пат за конфликт со полицаец

Се чини 2017-та беше лоша година за актерот бидејќи беше уапсен и за конфликт со полицаец.

Додека работел на филмот The Peanut Butter Falcon, актерот престојувал во град во Џорџија каде околу 4 часот наутро им пришол на полицаец и случаен минувач.

Актерот им побарал цигара, но кога полицаецот и мажот не му дале, почнал да им вика и да ги навредува, особено полицаецот бидејќи бил Афроамериканец.

Полицаецот го замолил актерот да се смири, но тој продолжил со навредите. Кога полицаецот пробал да го уапси, актерот влегол во хотел во близина, па на крај бил уапсен во хотелското лоби.

Од камерата што ја носел полицаецот се слушнале и расистичките навреди што ги кажувал актерот, па на крај мораше и јавно да се извини.

„Многу сум засрамен од моето однесување и не барам изговор. Сигурен сум дека моите постапки бараат искрено извинување до полицајците и им благодарам што ме уапсија“, напиша актерот на Твитер.

Подоцна тој изјави дека тогаш минувал низ особено тежок период и затоа зачестиле неговите испади.

Но, помалку од 3 години подоцна повотрно беше уапсен

По инцидентот со расистичките навреди, актерот како да се смири, но во 2020-та повторно се судри со полицијата, кога беше уапсен за напад.

Имено, актерот нападнал маж, го истепал, му ја украл капата и избегал, и овој пат под дејство на алкохол.

Актерот имаше опција да не оди во затвор, но под услов да следи програма за одвикнување од алкохол, да не се вклучува во никакво насилство и да дозволи да му се прават тестови за консумирање алкохол.

До 2022-ра, тој ги исполни условите и обвиненијата беа повлечени.

Бившата девојка го тужеше за физичко и психичко малтретирање

Од 2018 до 2019 година, Шиа Лабаф беше во врска со пејачката FKA Twigs. Во 2020-та таа поведе тужба против актерот бидејќи бил насилен – неколку пати ја задавил и ѝ направил модринки.

Пејачката изјави дека намерно ја заразил со сексуално пренослива болест, како и дека присилно ја изолирал од семејството и пријателите.

Во меѓувреме, се појавија обвиненија и од друга бивша девојка на актерот, која изјави дека неколкупати ја нападнал додека биле заедно.

Во изјава за американски медиум, актерот речи дека голем дел од обвиненијата не се точни, но потоа донекаде призна вина.

„Бев насилен кон себе и сите околу мене со години. Во минатото сум ги потврдувал луѓето кои ми се најблиски. Засрамен сум од тоа и жал ми е што сум ги повредувал другите“.

Судењето меѓу актерот и пејачката беше одложувано неколкупати и засега е закажано за септември годинава.

Спирова С. | Црнобело