Кифер Сатерленд им се врати на лошите навики – нападнал возач, по многуте апсења и затворската казна за возење во пијана состојба

Детали

среда, 14 јануари 2026

Повеќе од цела деценија, Кифер Сатерленд немаше проблеми со законот. Во минатото актерот беше апсен многупати за возење под дејство на алкохол, а помина и 48 дена во затвор. Сега, пак, решил насилно да влезе во туѓ автомобил и да го нападне возачот.

Кифер Сатерленд, најпознат по улогата на Џек Бауер во серијата „24“, бил уапсен бидејќи нападнал друг маж.

Според полицијата во Лос Анџелес, тие добиле повик за напад на возач нешто по полноќ во понеделникот (12.01).

Напаѓачот, кој подоцна бил идентификуван како 59-годишниот актер, насилно влегол во возилото на мажот, го нападнал, а потоа и му се заканувал.

Актерот бил уапсен во 4 наутро, а бил ослободен неколку часа подоцна, односно околу 11: 30, со кауција од дури 50.000 долари.

Полицијата во Лос Анџелес откри дека нападнатиот возач немал сериозни повреди и немало потреба да оди во болница.

Американските медиуми стапиле во контакт со портпаролот на актерот барајќи детали за инцидентот, но засега немале добиено никаков одговор.

Ова е далеку од прво апсење за Кифер Сатерленд кој низ годините имал низа судири со законот.

Во 2008 година, актерот помина 48 денови во притвор бидејќи возел под дејство на алкохол.

Инцидентот се случил претходната година, во 2007-ма и актерот призна вина, поради што доби 30-дневна казна затвор. Но, му беа додадени уште 18 денови поради претходни прекршоци.

Чуварите во затворот, пак, открија дека се однесувал мошне примерно, а имал и низа обврски во затворот, како перење постелнина.

„Беше многу скромен, никогаш не се пожали за ништо. Не предизвикуваше никакви проблеми“.

Што се однесува до претходните прекршоци, во 2004 година, тој исто така беше уапсен за возење под дејство на алкохол.

Продолжува на следната страница...