Го скара Бруклин со Бекамови, турнала дадилка по скали: „Никола Пелц отсекогаш била разгалена богаташка“

Детали

среда, 21 мај 2025

Според некои извори, Никола Пелц била злобна уште во тинејџерските години и постојано се заканувала на послугата во нејзиниот дом дека ќе ги отпушти. Во една пригода турнала и дадилка по скалите. Нејзина колешка, пак, ја опишува како „многу злобна девојка“ што ја избегнува по секоја цена.

По сè изгледа дека Бруклин Бекам веќе нема никаков контакт со родителите, а како што тврдат извори блиски до Бекамови, главниот виновник е Никола Пелц.

Изминативе неколку месеци, Бруклин и сопругата Никола не присуствувале на ниту еден семеен настан на Бекамови, вклучувајќи ги и прославите за 50-тиот роденден на Дејвид.

Бруклин со сопругата живее во Лос Анџелес, додека неговите родители се во Лондон. Неделава, младиот пар бил во Лондон за фотосесија, но изворите откриваат дека Бруклин не им се јавил на родителите.

Тој не ни им кажал дека доаѓа во Лондон и Дејвид и Викторија дознале за патувањето откако Никола споделила фотка на Инстаграм.

„Бруклин не се потруди ни да им каже на родителите дека е во Лондон. Разочарани се. Беа изненадени кога Никола стави фотографии на Инстаграм.

Бруклин постојано е во Америка, но сега кога дојде во Лондон, само работеше и си замина. Сигурно им е тешко на родителите, особено Дејвид.

Тој имаше средба со кралот Чарлс, но ова му го расипа целиот ден“, вели извор близок до познатото семејство.

Средбата на Дејвид и кралот Чарлс била на „пет минути со автомобил“ од местото каде што Бруклин правел фотосесија.

„Бруклин има потпишано договор за кампања со брендот Moncler и беше во Лондон на снимање. Го фотографираа на улица и на луѓето кои минуваа не им се веруваше дека го гледаат Бруклин. Среќен е што работи со Никола на оваа кампања.

Но, треба да се нагласи колку блиску беше до Дејвид и што кажува тоа за нивниот однос. Фотосесијата на Бруклин беше на пет минути со автомобил од настанот на Дејвид“, додава друг извор.

Конфликтот меѓу Никола и семејството на нејзиниот сопруг почна уште од нивната свадба во 2022-ра, но набрзо потоа го поправија односот.

Сега извори блиски до Бекамови тврдат дека Никола го контролира Бруклин и таа е причината зошто се оддалечил од семејството.

Некои дури ја споредуваат и со Меган Маркл која го оддалечи Хари од кралското семејство.

Вчера (20.05) магазинот Time објави интервју со Дејвид, каде поранешниот фудбалер зборува за неговата кариера и додава дека „нешто недостасува“.

Иако изјавата е во контекст на тренинзите, дел од јавноста смета дека малку се однесува и на Бруклин.

„Ми недостасува да играм секој викенд… Секој ден се будам и се чувствувам како нешто да ми недостасува“.

Во меѓувреме, се споделува изјава на актерката Бела Торн за која многумина се убедени дека се однесува на Никола Пелц.

Продолжува на следната страница...