Срам, зависност од пластични операции, банкрот: „Пропаста“ на познатите модели од машките списанија од 2000-тите

Детали

недела, 15 јуни 2025

Во раните 2000-ти, Кети Прајс беше меѓу најпознатите модели, но денес, иако е популарна, сериозно загрижува со својот изглед и зависноста од пластични операции. Кои други нејзини колешки ги следеше лоша среќа, и покрај огромната популарност како модели, особено во машките списанија од раните 2000-ти?

Покрај супермоделите, во раните 2000-ти доста популарни беа и таканаречените „гламур модели“.

За разлика од супермоделите, гламур моделите главно беа девојки со облини, најчесто се појавуваа во таблоиди, а снимаа рекламни кампањи за брендови за долна облека, костими за капење и слично.

Беа препознатливи и по тоа што неретко позираа во провокативни и разголени изданија, обично во списанија за мажи.

Меѓу најпознатите модели од овој период се секако Кети Прајс и Кели Брук, но има низа други, од кои повеќето како да ги следела лоша среќа по големата слава.

Како „пропаднаа“ некои од најпознатите модели од раните 2000-ти?

Кили Хејзел

Кили се прослави во САД на само 17 години, откако победи на натпревар за убавина. Речиси веднаш почна да добива ангажмани и заработувала и до 30.000 евра за една фотосесија.

Но, како што се намалувала популарноста на машките списанија, Кили добивала сè помалку понуди и заработувала едвај 1.000 евра за фотосесија.

„Порано заработував многу. Тогаш не ни обрнував внимание на тоа, но сега кога ќе се сетам… навистина беше лудо“, има изјавено 38-годишниот модел.

Кили сфатила дека е време да ја промени кариерата, па отишла на часови по глума и иако добива улоги, не се истакна многу.

Денес е активна на Инстаграм каде што има околу 240.000 следбеници и честопати се шегува за нејзината поранешна кариера, особено за големите фотосесии.

Впрочем, годинава ќе издаде автобиографска книга насловена „Сите ги имаат видено моите гради“.

Гејл Портер

Гејл, која потекнува од Шкотска, ја почна кариерата во доцните 1990-ти, појавувајќи се машки списанија.

Брзо стекна популарност кај мажите, па во 1999-та беше прогласена за една од 100-те најсекси жени од страна на машкиот лајфстајл магазин FHM.

Во 2001 година се венча и доби ќерка, но по породувањето почна да страда од постпородилна депресија. Се разведе во 2005-та, а истата година доби алопеција и ја изгуби целата коса.

Но, најмрачниот период од животот на Гејл почнал во 2017-та, кога на 54-годишна возраст изгубила сè и станала бездомничка.

Гејл цела година поминала на улица откако банкротирала бидејќи поради алопецијата не можела да најде работа.

„Тоа беа најстрашните ноќи во мојот живот. Беше многу ладно и не знаев што ме чека следно.

Тоа што ја изгубил косата имаше големо влијание. Јас се помирив, но престанав да добивам ангажмани. Па, заштедата почна да ми се троши“.

За среќа, Гејл успеала да се врати на нозе, а во 2024-та откри и дека првпат успеал да си купи перика која сега со гордост ја носи.

Продолжува на следната страница...