На 7 години бил сексуално злоставуван, сам си го одзеде животот - Трагичната судбина на Честер Бенингтон од Linkin Park

Детали

недела, 27 јули 2025

Престанал да користи наркотици за време на првиот брак, но не можел целосно да се ослободи од својата зависност, па повремено повторно им се враќал на дрогата и алкохолот. Поради својата болка, Честер Бенингтон, пејачот на Linkon Park, на 41 година си го одзеде животот.

Честер Бенингтон стекна светска слава со Linkin Park, кога во 2000-та го објавија албумот Hybrid Theory.

Иако многумина го сакаа и почитуваа, тоа како да не му беше доволно, а борбата со своите внатрешни демони реши да ја заврши самиот и да се самоубие.

Честер е роден во 1976 година во Аризона. Мајка му била медицинска сестра, а неговиот татко бил полициски детектив кој решавал случаи на злоупотреба на деца.

На 7-годишна возраст, тој доживеал огромна траума откако бил сексуално злоупотребен од постар пријател.

Се плашел да побара помош бидејќи мислел дека ќе го обвинат дека лаже и дека е геј, па го трпел неговото насилство до 13-годишна возраст.

„Никој во моето семејство не ме злоупотребувал, но тоа го правеа други луѓе од мојата околина.

Пораснав во дисфункционално семејство и во таква ситуација лесно е да си помислиш дека она што ти се случува е нормално“, рекол тој во едно интервју.

Никогаш не го пријавил мажот во полиција бидејќи сфатил дека и неговиот злоупотребувач бил жртва на насилство.

Подоцна, му признал сè на својот татко.

Родителите му се развеле кога Честер имал 11 години, а татко му го добил старателството над синот.

Честер сакал да избега од дома поради сè, а утеха и спас наоѓал во пишувањето песни.

Бил малтретиран и на училиште, а децата го исмевале затоа што бил премногу слаб.

На 13 години почнал да користи дрога, но и алкохол.

„Имав многу поголема самодоверба кога бев под дејство на дрога.

Чувствував дека имам поголема контрола врз мојата околина кога бев под дејство на дрога или алкохол“, признал во една пригода.

Продолжува на следната страница...