Првата сопруга му зеде 70% од парите: Колкаво богатство остави Хулк Хоган и кој ќе го наследи?

Детали

петок, 25 јули 2025

Иако во разводот од првата сопруга изгуби дури 70% од парите, Хулк Хоган имаше неколку извори на приход, па зад себе остави богатство од околу 25 милиони долари.

Во кариерата која траеше половина век, Хулк Хоган стекна импресивно богатство.

Хулк, кој почина на 71-годишна возраст, покрај заработката од професионалните борби, имаше и други извори на приход, па зад себе остави богатство до околу 25 милиони долари.

Како заработуваше познатиот борач, но и кој ќе го наследи неговото богатство?

Договори за боречки натпревари

Хулк се прослави преку американската продукциска компанија WWE и одовде потекнува најголем дел од неговото богатство.

На врвот на славата, од еден турнир тој заработуваше и до еден милиони долари, а во 1990-тите, заработката му беше околу 2,5 милиони долари годишно.

Со оваа сума, Хулк многупати беше прогласуван за најплатениот борач во светот.

Заработка од стриминг платформи и промотивни производи (мерч)

Хулк Хоган заработуваше и од секоја негова борба која беше прикажана на телевизија и стриминг платформа.

На овој начин се проценува дека има заработено најмалку 10 милиони долари.

Бидејќи е славна личност, заработуваше и од промотивни производи, како маички, капи, марами и слично со неговото име или неговиот бренд.

Филмска индустрија

Хулк стекна светска слава кога се појави во третото продолжение од филмот Rocky, а за ова доби околу 15.000 долари.

Потоа гостуваше и во помалку познати серии, за што добиваше и по два милиони долари од проект. Овде е и реалното шоу Hogan Knows Best кое му донесе околу 3 милиони долари за четири сезони.

Тужба за неговата секс снимка

Пред околу една деценија, Хулк Хоган тужеше американски таблоид кој објави негова секс снимка.

Ја доби тужбата, а како оштета требаше да му се исплатат 140 милиони долари. Сепак, поради финансиските проблеми на таблоидот, сумата беше намалена на 31 милион.

Со одземање на даноци и дури правни трошоци, Хулк на крај доби околу 10 милиони долари.

Скап развод

Во 2009 година, сопругата на Хулк Хоган поднесе барање за развод по дури 24 години брак.

Бидејќи тој се прослави додека беа заедно, сопругата на крај доби дури 70% од неговите пари, односно околу 7 милиони долари. Притоа, доби и 40% од акциите во неговите бизниси, но и уште една исплата од 3 милиони.

Иако разводот дефинитивно го „уназади“ на финансиски план, Хулк успеа да се врати на нозе.

Кој ќе ги наследи неговите пари?

Во 2023 година Хулк се венча со сопругата Скај Дејли, па се претставува дека таа ќе добие поголем дел од неговото богатство, односно околу 60%.

Борачот има само две деца, па веројатно остатокот од парите ќе оди кај нив.

Сепак, ова се само шпекулации и не е познато дали Хулк оставил тестамент.

Прочитајте и: Животот (и скандалите) на Хулк Хоган: Имал афера со другарка на ќерка му, направил 25 операции, почина од проблеми со срцето

Спирова С. | Црнобело