Роналдо конечно ја запроси Џорџина со огромен дијамантски прстен: „Да, во овој и сите мои животи“

Детали

понеделник, 11 август 2025

Со фотка од огромен дијамантски прстен, Џорџина откри дека Роналдо конечно ја запросил по речиси цела деценија заедно. Досега имало безброј шпекулации дека се свршени, па и дека се во брак, но според објавата на Џорџина, дури сега фудбалерот клекнал на колено.

По скоро цела деценија заедно, Кристијано Роналдо конечно ја запроси Џорџина Родригез.

Џорџина сподели фотка на Инстаграм со огромен дијамантски прстен, а во описот открива дека фудбалерот ја побарал за жена.

„Да, во овој и сите мои животи“.

Досега имало безброј шпекулации дека Роналдо и Џорџина веќе се свршени, па дури и дека се венчале во тајност, но парот немаше потврдено ништо.

Многупати Џорџина споделувала и фотки со дијамантски прстени за кои се шпекулираше дека можеби се свршенички.

И фудбалерот многупати се соочил со прашањето зошто уште не се венчал со Џорџина, особено кога ќе се земе предвид дека имаат и заеднички деца.

Последно, пред неколку месеци, во интервју за реалното шоу на Џорџина, Роналдо прозборе за идејата за брак, истакнувајќи дека ќе се венчаат кога ќе почувствува дека е вистинскиот момент за тоа.

„Секогаш ѝ велам дека ќе се венчаме кога ќе ‘кликне’. Како за сè во нашиот живот. И, нејзе ѝ е јасно за што зборувам.

Може да биде за шест месеци или за еден месец. Но, јас сум 1.000% сигурен дека ќе се случи“.

Засега Роналдо нема споделено ништо за свршувачката, а не се знае ни колку пари потрошил за огромниот прстен.

Прочитајте и: Љубовната приказна на Роналдо и Џорџина Родригез: Добија дете по само 1 година врска, не сакаат да се венчаат

Спирова С. | Црнобело