Бруклин ја „запросил“ Никола пред обновувањето на заветите, јавноста го исмеа: „Личи како гостин на својата свадба, го нема на фотките“

Блиските на Бекамови велат дека целата церемонија ја гледаат како обид Никола да се пофали со парите, односно богатството на нејзиниот татко милијардер.

„Ќе разбереа ако поминаа десет години од свадбата, па и пет. Но, по три години? Целиот настан изгледа само како бесрамно фалење со богатството.

Ако Бруклин сакал само да создаде нови слатки сеќавања како што вели самиот, зошто не им кажал на родителите?

Искрено, иако имало мигови кога ситуацијата била добра, тензијата почна уште во 2021-ва, шест месеци пред првата свадба“.

Во коментари на објавите од обновувањето на заветите, покрај честитките, повотрно има и критики. Многумина го истакнуваат фактот дека на повеќето фотографии, Бруклин воопшто го нема.

„Бруклин е како гостин на неговата свадба“.

„Искрено, ако објавиш уште фотографии од тебе и мајка ти, луѓето ќе почнат да мислат дека забавата е за неа“.

„Кога ги гледам фотките, жалам за Бруклин. Сигурно ќе се покае за одлуките што ги носи денес“.

„Зошто речиси и да нема фотографии со Бруклин? Изгледа како Никола да си направила свое шоу“.

Во меѓувреме, се дозна и дека Бруклин прекинал контакт со буквално сите пријатели од Англија и сега се дружел само со пријателите на Никола.

А, една од нејзините пријателки, го нападна семејството на Бруклин.

Во коментар на објава на Никола и Бруклин од церемонијата, таа напиша:

„Луѓе кои со години оделе на психијатар за да се справат со последиците од токсичното семејство осудуваат некој кој собрал храброст да си замине од таа средина.

Сите им се поклонуваа на Бекамови, отсекогаш, а Никола беше првата која истапи со своите вредности бидејќи не ѝ се важни нивните пари и слава!

Во мигот кога веќе немаа контрола, тие (Бекамови) полудеа и почнаа да ја напаѓаат во медиумите за да направат да изгледа лошо. Јас ја знам Никола со години – искрена е, скромна и одбива да живее во лажен свет.

Па, ако не ја знаете вистинската приказна, немојте да кажувате ништо. И, Бруклин е возрасен маж кој може да се брани самиот. Ако си заминал (од семејството) тоа е бидејќи многу добро ја знае околината во којашто пораснал“.

Никола (во средина) со пријателката што ја брани (лево)

Засега ниту Бекамови, ниту Никола и Бруклин се немаат огласено за целата ситуација.

Па, што точно се случило што го натерало Бруклин да се откаже од семејството уште е мистерија.

Прочитајте повеќе: Бруклин и Никола Пелц ги обновија заветите – Бекамови дознале преку медиуми, очекуваат да си го промени и презимето

Спирова С. | Црнобело