Тажната приказна на првиот супермодел од САД: Поминала 60 години во ментална установа, гатачка ѝ ја предвидела „црната“ иднина

Детали

сабота, 20 септември 2025

Одри Мунсон се смета за првиот супермодел од Америка, а воедно е и првата актерка која се соблекла на филм кој не е порнографски. Иако успешна, нејзината кариера траела мошне кратко и Одри го поминала долгиот живот во ментална институција.

Веројатно не сте го слушнале името Одри Мунсон, но како актерка и модел, имала огромно влијание и во филмската, и во модната индустрија.

Нарекувана и „првиот супермодел во Америка“, лицето на Одри било искористено за многу статуи кои денес се поставени во Њујорк, а таа е и првата актерка која се појавила гола во филм кој не е порнографски.

Одри одживеала 104 години, но поради трагедиите кои ѝ се случиле во животот, нејзината кариера, иако успешна, траела многу краток период.

Најголем дел од животот поминала во ментална институција, целосно заборавена од светот.

Детали за тажниот живот на Одри:

Гатачка ѝ ја предвидела „црната“ иднина

Одри била родена во 1891 година, а откако нејзините родители се развеле, со мајка ѝ се преселила во Њујорк.

Кога имала пет години, мајка ѝ отишла на гатачка која наводно ѝ ја предвидела тажната иднина што ја чека.

Имено, таа ѝ рекла дека ќе биде славна и обожувана, но кога ќе мисли дека го освоила светот, ќе ѝ се уништел целиот живот.

Подоцна во животот Одри има изјавено дека ова пророштво го гледала како клетва.

Ја почнала кариерата како модел на 16-годишна возраст

Во тинејџерските години, Одри почнала да работи како модел за скулптори. Тој период била забележана и од филмски продуцент кој ѝ понудил улога.

Првиот филм во којшто се појавила бил Inspiration од далечната 1915 година и овде Одри се соблекува пред камера – нешто што не било направено дотогаш.

Поради голотијата, филмот бил оценет како контроверзен, па дури и бил забранет во Вашингтон.

Но, кога почнале да го прикажуваат низ кината во Лос Анџелес, привлекувал масовна публика и јавноста си го сменила мислењето. Наместо вулгарен филм, го гледале како нешто и ново на филмското платно.

Се појавувала гола и во други филмови

Следната година, Одри се јавила во уште еден филм – Purity – каде повторно се соблекла пред камера.

Слично како и првиот филм, и овој бил гледан како контроверзен, поради што почнале да го цензурираат, па не стекнал некоја голема популарност.

Потоа Одри се појавила и уште во два филма, па и покрај контроверзиите, си ја зацементирала репутацијата на добра актерка.

Додека кариерата ѝ цутела, приватно се соочувала со многу проблеми

До 1919 година, Одри веќе била ѕвезда, но почнала да се соочува и со проблеми.

Одри и нејзината мајка живееле во куќата на доктор кој си ја убил сопругата. Пред докторот да биде фатен, Одри и мајка ѝ бил осомничени и испрашувани за убиството.

Подоцна, кога било утврдено дека е виновен, докторот извршил самоубиство за да избегне смртна казна.

Во меѓувреме, Одри почнала да се соочува со проблеми со менталното здравје, а во 1922 пробала и да изврши самоубиство.

Мајка ѝ ја однела во ментална институција

Поради многуте приватни проблеми, Одри престанала да работи, па, очекувано, се намалувала и нејзината популарност.

Се претпоставува дека до 1931 година живеела во Мексико со мајка ѝ, но деталите од нејзиниот живот овој период не се познати.

Продолжува на следната страница...