Оправдуваше насилство кон жени, гангстер пробал да го убие: Скандалозниот живот на Шон Конери

Потоа, во 1980-тите, во друго интервју актерот беше прашан за оваа изјава и само ладнокрвно кажа дека уште го има истиот став.

Дури во 2006 година, актерот повторно се огласи за вознемирувачките изјави:

„Сметам дека насилството кон жените никогаш не е оправдано, под никакви околности“.

Тој тврдеше и дека старите изјави биле извадени од контекст, но сепак, низ годините, се соочуваше со многу критики.

Ја изневеруваше втората сопруга

Втората сопруга на Шон беше Мишелин Рокбрун, со која остана во брак со неговата смрт во 2020-та.

Кога се запознале, Мишелин имала два развода зад себе и три деца, а вели дека на првата средба, не го ни препознала. Но, лесно ја освоил, почнале врска и во 1975 година стапија во брак.

Иако наводно ја сакал сопругата, во 1989 година, тој почна афера со пејачката Линси де Пол.

Аферата траела неколку месеци, а Линси откри дека го запознала на забава на која актерот присуствувал со сопругата.

„Јас не сакав афера со него и се обидував да одржам платонски однос. Но, тој беше многу упорен. Па, си реков - зошто да не?

Не ја познавав неговата сопруга, па не се чувствував лошо“.

Сепак, подоцна Линси изјави дека се каела за аферата, особено кога дознала дека актерот бил насилен кон првата сопруга.

Соседите го тужеле неколкупати

Во 2005 година, соседот кој живеел во апартманот под оној на Шон Конери и сопругата ги тужеше за вознемирување, пуштање гласна музика и лошо однесување.

Според тужбата, проблемите почнале уште во 2002 година, а малтретирањето од страна на актерот било толку лошо, што соседот и семејството морале да се иселат.

Актерот им предизвикал и материјална штета во домот кога си го реновирал апартманот.

Соседите бараа 30 милиони од актерот, а тој им возврати со контратужба и ги нарече соседите „паразити“.

Конфликтот продолжи и во 2014 година, кога стигнала тужба и до синот на Шон Конери, од сосед кој сега живеел во апартманот на подолниот кат.

Во 2019 година беше направена спогодба, но не се познати деталите.

Кралицата Елизабета го прогласи за витез

Во 2000 година, Шон Конери ја доби титулата Сер, откако кралицата Елизабета Втора го прогласи за витез за неговиот удел во филмската индустрија.

Церемонијата се одржа во Шкотска.

Спирова С. | Црнобело