Му растури брак на близок пријател, го носи епитетот женкар со преку 20 славни љубовници - Сите жени на Кевин Костнер

Истата година кога се развел од Синди, бил со актерката Холи Симпсон.

Во 1990-тите го поврзуваа и со топ моделот Наоми Кемпбел, но и со глумицата Корин Реснак и Плејбој зајачицата Енџи Еверхарт.

Но, неговиот љубовен живот го следеа и големи скандали, кога во 2006-та година беше обвинет за непристојно однесување во хотел со пет ѕвездички.

Со Кортни Кокс

Во однос на овој случај, во негова јавна одбрана застана неговата поранешна партнерка Бригит Канингем, која рече дека Костнер е нежен, романтичен и вистински господин кој никогаш не би направил нешто толку вулгарно.

Романсата со Кортни Кокс во 1995-та ги изненади сите, а откако раскинаа, почна да се гледа со модната дизајнерка и првиот американски топ модел Шерил Тигс.

Таа година, често се појавуваше во друштво и на новинарката Џоан Лунден, со која имаше кратка афера.

Кевин и Ел

Веќе следната година почна врска со австралиската манекенка Ел Мекферсон.

Тие се забавуваа кратко пред да почнат да живеат заедно, а Костнер изјави дека во неа ја пронашол својата идеална половина.

Работите сепак не беа толку идеални, па по раскинувањето со Ел, тој ја заведе поранешната манекенка и некогашна прва дама на Франција, Карла Бруни.

Уживаше и во љубовта со актерката и поранешна Мис Америка, Тони Литл.

На листата поранешни љубови на Костнер е и починатата сопруга на Џон Траволта, глумицата Кели Престон.

Наводно, имал афера и со Витни Хјустон додека го снимале The Bodyguard, но тоа никогаш не беше потврдено.

Витни и Кевин

Но, најголемиот љубовен скандал на Кевин се случи кога почна афера со сопругата на неговиот пријател, бејзбол играчот Кал Рипкен Џуниор, кој набрзо дозна за неверството на неговиот пријател и сопруга.

Кевин потоа ја запозна 17 години помладата манекенка и дизајнерка на чанти Кристин Баумгартнер, но не сакал сериозна врска, па во 2002 година ѝ раскина.

Кевин и Кристин

Брзо потоа сфати дека тоа е грешка, па почнаа да се гледаат пак и во 2004 година се венчаа во Колорадо пред 300 пријатели и членови на семејството.

Добија три деца, синовите Кајден и Хејс, и ќерката Грејс.

Иако многумина мислеа дека ќе остарат заедно, по скоро 20 години брак, се разделија во 2023, а Кристин пред неколку дена се премажи за Џош Конор, поранешен сосед на Кевин и Кристин.

Кристин со Џош Конор

А. Ј. | Црнобело