Имаше афера со женет маж, користи ретро телефон, не завршила средно: Каква е Ана Винтур во реалноста?

Имаше афера со женет маж

Ана Винтур беше во брак со психијатарот Дејвид Шафер, со кого ги доби и децата.

Но, го изневери со бизнисменот Шелби Брајан, кој тогаш исто така беше во брак.

Наводно, Ана и Шелби се запознале во 1997-ма, а со аферата и двајцата си ги растуриле браковите.

Скандалот привлече многу внимание, но Ана умешно се дистанцираше од него, па денес не се ни спомнува.

За целата драма има изјавено:

„Семејството и пријателите имаат една перспектива, а надворешниот свет друга, на која јас не се фокусирам“.

Не користи социјални мрежи

Иако е највлијателна личност во модната индустрија, Ана Винтур одбива да користи социјални мрежи.

Таа дури не сакаше да се појавува на Инстаграм профилот на Vogue се до 2013 година.

Но, признава дека социјалните мрежи промениле многу работи и иако самата не ги користи, фасцинирана е од нивниот ефект.

А, уште поинтересно е што до неодамна, Ана користеше ретро телефон со копчиња. Некогаш е забележувана и со смартфон, но главно во рака држи ретро телефони.

Дури и самата има изјавено дека ги преферира старите телефони, како и дека никогаш немала направен селфи фотка.

Не планира да ја менува препознатливата фризура

Рамната боб фризура со шишки и црните очила за сонце се најпрепознатливиот детаљ во изгледот на Ана. И, веројатно нема во блиска иднина да го промени ова.

Уредничката има изјавено дека ја носи истата фризура уште од 15-годишна возраст:

„Сигурна сум дека фризурата е здодевна и дека треба да ја сменам. Но, новите фризури што сум ги пробувала никогаш не ми се допаѓале.

Што се однесува до очилата, можам да бидам на ревија и ако ми е здодевно, никој нема да забележи. Ако ми е забавно, исто така никој нема да забележи. Па, мислам дека сега веќе ми се како штит“.

Спирова С. | Црнобело