Викторија Бекам ја објасни хит сцената со Rolls-Royce: „Татко ми прво нè возеше во комбе, навистина сме биле скромни“

Детали

четврток, 11 декември 2025

Викторија конечно имаше шанса да објасни што сакала да каже во документарецот, кога Дејвид ја тераше да признае дека не е од средна класа: „Татко ми немаше ништо, нè возеше во службено комбе во училиште, кога заработи повеќе, првото што си го купи беше Rolls-Royce, а ние не сакавме да се возиме во него“.

Викторија Бекам гостуваше во шоуто на Џими Фалон, каде зборуваше за животот, за работата како моден дизајнер, но и за нејзиниот документарен филм.

„На почетокот реков не за идејата, па мојот тим и мојот сопруг ме натераа да го направам тоа.

Бев Спајс девојка 4 години и тоа е време на кое сум многу горда, но премногу ме дефинираа само тие 4 години.

Јас сум во модната индустрија 20 години и време беше да да ја покажам транзицијата.

Тоа е многу тешка индустрија, многупати ми било кажано НЕ, и сум работела многу многу напорно“.

Но, освен за нејзиниот документарец, зборуваше и за документарниот филм на Дејвид, а Џими ѝ рече дека омилена сцена му е онаа која стана вирален хит.

Станува збор за сцената кога таа кажува дека доаѓа од семејство кое било работничка класа, а Дејвид се прикрадува и ја тера да признае со каков автомобил ја носеле во училиште, на што таа вели „Во 80-тите, татко ми возеше Rolls-Royce“.

Сцената стана вирална и ден-денес уште се споделува како најсмешен момент, но водителот ѝ даде шанса на Викторија да објасни што сакала да каже, бидејќи како што вели, чувствува како да била прекината во тој момент и никогаш не се докажала.

„Татко ми немаше ништо, немаше никаква финансиска позадина. Тој ми е вистинска инспирација.

Беше претприемач и возеше комбе, бидејќи имаше бизнис за електрика, па во училиште нè носеше со комбето, а ние бевме многу среќни.

Но, кога му тргна добро, прво нешто што направи – си купи Rolls-Royce. Ние бевме разочарани. Децата сакаат да се вклопат.

Го молевме да нè носи со комбето, не сакавме да одиме со Rolls-Royce-от. Па Џими, ние навистина се обидувавме да останеме приземни и скромни“.

Погледнете го видеото:

М. М. | Црнобело