Чак Норис (85) покажа дека е во топ форма со фотка од теретана – фановите му одговорија со омилените „факти“ за него

Детали

сабота, 13 декември 2025

„Сите деца имаат пижами со Супермен, но Супермен има пижами со Чак Норис“, гласи еден од многуте коментари на фотката од теретана на познатиот актер.

Благодарение на улогите каде што претепува негативци, во минатото многу популарни беа „фактите“ за Чак Норис и неговата натчовечка сила.

Денес актерот можеби не е активен во филмската индустрија како порано, но на свои 85 години, навистина е во завидна форма.

Боречките вештини и вежбањето до денес му се рутина и на Инстаграм редовно споделува видеа и фотки од неговите тренинзи.

Негова неодамнешна објава ги мотивира фановите да ги споделат омилените „факти“ за него.

Актерот сподели фотка од теретана со опис:

„Ова е фотографија што ја направив пред неколку месеци. Прогресот не се мери со совршенство, туку со храброста да продолжите да се движите.

Уште си поставувам цели, се движам напред и избирам дисциплина наместо удобност. Без разлика на вашата возраст, продолжете да се борите за најдобрата верзија од себе“.

Голем дел од фановите имаат само пофалби за посветеноста на актерот, но дефинитивно доминираат вицовите, од кои дел сигурно ви се познати.

Уште позабавно е што не се сите вицови на англиски, што значи „фактите“ за него биле хит ширум целиот свет, и тоа пред ерата на интернетот.

Дел од најзабавните коментари на објавата на Чак:

„Ја направил фотката со фиксен телефон“.

„Трамп побара дозвола од Чак Норис за да се кандидира за претседател“.

„Чак Норис има изброено до бесконечност. Двапати“.

„Според легендата, Чак Норис ја изградил болницата во којашто е роден“.

„Ова е ретка фотографија од Чак Норис во тинејџерските години“.

„Смртта го погледнала Чак Норис во очи – и умрела“.

„Чак Норис не купува блузи без ракави. Ракавите сами паѓаат кога ќе го видат“.

„Отровна змија го каснала Чак Норис и умрела“.

„Чак Норис игра фудбал со топка за куглање“.

„Кога Чак Норис прави склекови, не се крева, туку ја турка Земјата надолу“.

„Чак Норис никогаш не ѕвони на погрешен број – другите одговараат на погрешен телефон“.

„Сите деца имаат пижами со Супермен, но Супермен има пижами со Чак Норис“.

„Кога чудовиштата си легнуваат, проверуваат дал Чак Норис се крие под нивниот кревет“.

Спирова С. | Црнобело