Познати личности кои станаа зависници од дрога уште во детството

Едвард Фурлонг

Едвард Фурлонг се прослави преку ноќ кога на 13-годишна возраст доби значајна улога во Terminator 2.

Како што вели самиот, популарноста била нешто неочекувано и нешто со коешто тешко се справувал.

Бидејќи бил оставен сам на себе, почнал да пие алкохол, па да користи дрога, вклучувајќи и хероин, уште пред да наполни 18.

Поради зависноста добиваше сè помалку улоги, за во 2012 година да добие забрана да останува насамо со неговиот син.

Имено, син му, кој имал шест години, добил позитивен тест за кокаин.

Едвард многупати бил апсен за дрога, а дури во 2022-ра откри дека успеа да се ослободи од порокот.

Но, тогаш сподели дека поради користењето дога, изгубил голем дел од неговите заби.

Аманда Бајнс

Аманда Бајнс се појави во некои од најпопуларните тинејџерски филмови од раните 2000-ти и беше голема ѕвезда.

Иако никогаш не пиела алкохол, има откриено дека почнала да користи марихуана на 16-годишна возраст, а набрзо потоа почнала да експериментира и со други видови дрога.

Кога сакала да ослаби, успеала да го измами нејзиниот психијатар да ѝ препише Adderall – лек кој содржи амфетамин.

И, станала зависна од него.

Неколкупати одеше на рехабилитација и наводно од 2019 година е чиста. Сепак, во меѓувреме си ја уништи актерската кариера, а во последно време загрижува со изгледот и однесувањето.

Наташа Лион

Денес Наташа Лион е позната по улогите во сериите Orange is the New Black, како и Russian Doll.

Но, актерката е активна од шестгодишна возраст и во детството важеше за една од најбараните холивудски актерки.

Сепак, како и многу деца актери, на рана возраст почнала да пие алкохол, но и да користи дрога, на крај и хероин.

Нејзината зависност почна да привлекува повеќе внимание од улогите што ги добиваше, а на крај заврши и во болница со хепатит и проблеми со белите дробови.

Но, ова ја натерало да почне да работи на себе, да се ослободи од порокот и повторно да се активира во индустријата.

Спирова С. | Црнобело