Има 3 деца, избегнува да зборува за Хит Леџер: Каде исчезна некогашната тинејџерска ѕвезда Џулија Стајлс?

До денес е благодарна за улогата во 10 Things I Hate Аbout You

Романтичната комедија со Хит Леџер направи пресврт во кариерата на Џулија.

Во 2024-та, се славеше 25-тата годишнина од премиерата на филмот и тогаш Џулија се присети на периодот кога ја добила улогата.

„Бев 17-годишна девојка која оди на аудиции за романтични комедии, реклами и ТВ серии. И, секогаш ми велеа дека сум била многу сериозна, дека требало да се смеам повеќе.

Па, во овој филм првпат имав улога која вистински ја разбирав“.

Таа се присети и на покојниот Хит Леџер:

„Имаше некаква привлечност, некоја сила. Го сакаше животот. Беше многу фин и учтив со сите. Навистина прекрасна личност и уште подобар актер“.

Сепак, актерката главно избегнува да зборува за починатиот колега.

И самата имала непријатно искуство со Харви Вајнштајн

Пред да заврши во затвор, Харви Вајнштајн беше најмоќниот човек во Холивуд. И, токму оваа моќ му давала можност да малтретира бројни актери и актерки.

Пред неколку месеци, Џулија Стајлс откри дека и таа имала непријатно искуство со продуцентот.

Во 2000 година, Џулија работела на филмот Down to You. Еден ден, Вајнштајн се појавил на сетот и инсистирал да се вметне непотребна сцена во филмот во која Џулија танцува, а врз неа истураат пари.

Актерката се чувствувала непријатно и сметала дека со оваа сцена биле преминати сите граници.

„Не беше ни нешто невидено. Се чувствував ужасно додека ја снимав“, сподели актерката.

На крај, филмот го заборавија речиси сите и е еден од најлошите во кариерата на Џулија.

Повторно ѝ се враќа на глумата

Џулија отсекогаш сакала да стане и режисерка, па во 2025-та, го режираше филмот Wish You Were Here.

Изминативе неколку години, пак, се појави и во неколку филмови и серии.

Иако вели дека поради мајчинството нема многу време да се посвети на кариерата, сепак не планира да запре.

Спирова С. | Црнобело